29 shildege qaraı qurylysshylar Arys qalasyndaǵy 2707 úıdi tapsyrdy. Taǵy 2344 úıde negizgi qalpyna keltirý jumystary aıaqtaldy. Munda shatyry jóndelip, terezeleri ornatyldy, keıbir nysandarda kosmetıkalyq jóndeý jumystaryn júrgizýge qaldy.
7785 qurylysshy qalany qalpyna keltirý jumystaryn jalǵastyrýda. Bir aı ishinde olardyń qatary kún saıyn birneshe ondaǵannan eki júzge deıin tolyqtyryldy.
Keń kólemdi qurylys jumystaryna elimizdiń barlyq óńirleri, sondaı-aq respýblıkalyq mańyzy bar qalalar qatysýda. QR Indýstrııa jáne ınfraqurylymdyq damý mınıstrligi birinshi vıse-mınıstr Qaıyrbek О́skenbaevtyń basshylyq etýimen tótenshe jaǵdaıdan keıingi alǵashqy kúnderden bastap Arys qalasyn qalpyna keltirý barysyn qadaǵalap, baqylaý jumystaryn júrgizip jatyr.