Jeksenbige qaraǵan túni Amerıkanyń Deıton (Ogaıo shtaty) qalasynda atys bolyp, kem degende toǵyz adam qaza tapty jáne 16-sy jaraqat aldy. Bul týraly jergilikti polısııa ókili baspasóz máslıhatynda málimdedi, dep habarlaıdy QazAqparat tilshisi TASS-qa silteme jasap.
Qylmyskerdi qaýipsizdik kúshteriniń qyzmetkerleri atyp óltirgen. Onyń jeke basyna qatysty málimetter ázirge anyqtalǵan joq. Barlyq zardap shekken azamattar taıaý mańdaǵy aýrýhanaǵa jetkizildi, Deıton polısııasy olardyń jaǵdaıy týraly aqparatty ázirge teksermegen.
Oqıǵa ornynda polısııa jumys istep jatyr, oǵan FBR qyzmetkerleri qosyldy. Bul Qurama Shtattarda bir táýlikte bolǵan ekinshi atys.
Budan buryn senbi kúni 21 jastaǵy er adam Cielo Vista Mall saýda ortalyǵyna jaqyn mańda Walmart sýpermarketinde (Tehas shtaty) adamdarǵa oq atqan edi. Ony polısııa qyzmetkerleri ustaǵan bolatyn. Bıliktiń habarlaýynsha, 20 adam qaza taýyp, 26-sy jaraqat alǵan.