Kókshetaý qalasynda sońǵy jyldary jasyl jamylǵyly fýtbol alańdary men sporttyq jattyǵý snarıadtary ornatylýda. Bul ıgilikti iske jeke kásipkerlerdiń qarjylaı qoldaý kórsetip jatqandyǵy qýanyshty.
Bala kezinen fýtbolmen aınalysyp, san márte jarystarda Kókshetaý qalasynyń namysyn qorǵaǵan Asqar Sultanov bıylǵy jazdyń alǵashqy aılarynda «Stroıtel» shaǵyn aýdanynda álemdik standartqa saı jasyl jamylǵyly fýtbol alańyn salyp berdi. Búginderi bul jerde balalar, eresekter kúnde keshkilik dop tepse, senbi-jeksenbi kúnderi ár túrli jarystar ótedi.
Osy jolǵy fýtbol oıyndaryna 20-ǵa jýyq komanda qatysty. Áýesqoı fýtbolshylar jańadan paıdalanýǵa berilgen jasyl alańda jasyndaı jarqyrady. Ár oıynshy teńbil dopty urshyqsha ıirip, qarsylastar qaqpasyna qaýip tóndirdi.
«Stroıtel» shaǵyn aýdanyndaǵy jasyl jamylǵyly fýtbol alańynda áýesqoı fýtbolshylardyń jarysy barynsha qyzǵylyqty ótkizildi.