Oblystyq ishki saıasat basqarmasy QR Tuńǵysh Prezıdenti – Elbasy Nursultan Nazarbaevtyń «Bolashaqqa baǵdar: rýhanı jańǵyrý» jáne «Uly dalanyń jeti qyry» maqalalarynda aıtylǵan ulttyq qundylyqtardy nasıhattaý maqsatymen 34 jobany iske asyrdy.
О́.Sultanǵazın atyndaǵy Qostanaı memlekettik pedagogıkalyq ýnıversıtetindegi «Rýhanı jańǵyrý» jobalaý keńsesinde osy aıtylǵan jobalar aıasynda ótken baıqaýlarda úzdik shyqqandardy marapattaý rásimi ótti. Atalǵan «Sana serpini» jáne «Jazba aıtys» onlaın-baıqaýyna órkenıettiń úzdik kórinisi – «Vkontakte» áleýmettik jelisi, ýatsap paıdalanyldy. «Sana serpini» úsh kezeńnen turdy. Aldymen áleýmettik jelilerge «at ábzelderin tap» degen tapsyrmamen jiberilgen sýret boıynsha bilgenin at ábzelderi týraly qysqa da nusqa jazý kerek boldy. Odan keıin «Tobyl-Torǵaı óńiriniń tarıhı oryndary» kezeńine de jurtshylyq de qyzý atysty. Úshinshi «Kórkeıe ber, Qostanaı» kezeńinde jeli paıdalanýshylary Qostanaı qalasy týraly shaǵyn esse jazdy. Qatysýshylardyń jazǵanyn 25 myń adam qarap, 150 pikir qaldyrǵan. Al aıtysqa tek qostanaılyqtar ǵana emes, Aqmola, Qaraǵandy, Qyzylorda oblystarynan da aqyndar aıtysty. Olardyń barlyǵy ýatsaptan alynyp, oblystyq gazette jarııalanyp turdy.
Qazylar alqasynyń sheshimimen «Sana serpini» baıqaýynda birinshi oryndy jeńip alǵan Meıirbek Ysmaǵulov noýtbýkke ıe boldy. Ekinshi oryndy alǵan Ryskúl Tasqynbaeva smartfondy enshiledi. Al úshinshi orynǵa qol jetkizgen Botagóz Hamıtke planshet tapsyryldy.
«Jazba aıtysta» birinshi oryn belgili aqyn Abylaı Maýdanǵa berildi jáne 250 myńnyń sertıfıkaty qosa tapsyryldy. Ekinshi oryn arqalyqtyq aqyn Batyrlan Saǵyntaev alyp, 150 myń teńgeniń sertıfıkatyna ıe boldy. Úshinshi orynǵa tigilgen 100 myń teńgeni aıtysker aqyn Toba О́tepbaev pen aqyn, jýrnalıst Asylan Qanǵojın bólip aldy.
Qostanaı