Áleýmettik karta – máseleniń oń sheshimi

Jınalystyń kún tárti­binde qaral­ǵan basty másele – qalaǵa qosylǵan 41 eldi mekenniń ınfraqury­lymyn damytý. Osy baǵyttaǵy ju­­mys­ty júıelendirý maq­satynda qa­la basshysy ár aýdandy sektorǵa bólip, ózek­­ti máseleler kórsetilgen áleý­mettik karta ázirleýdi sa­la­lyq basqarma basshylary men aýdan ákimderine tap­syrdy.

Osylaısha Erlan Qýanysh­uly kúrmeýi she­shilmeı kele jat­qan pro­ble­malardy bir­tindep júıe­li túr­de sheshýge bo­latynyn jet­kizdi. Shet­ki aımaqtardyń negizgi máselesi – jol, ınjenerlik ın­fra­qurylym, áleý­met­tik nysan­dardyń tapshylyǵy men abattan­dyrý.

Budan bólek, ákim shetki aımaqtar­dyń ın­fraqurylym júıesin tartý jumystaryna jeke ınvestorlar­dy­­ da qa­tystyrýdy atap ótti. Tur­ǵyn­darǵa ómir súrý­ge qo­laı­ly or­tany qalyptas­tyrý ákim­diktiń basty maqsaty ekenin aıtqan qala ákimi eń aldymen qalany qoqystan tazartýdy, sonymen qosa shalǵaıdaǵy eldi meken tur­ǵyndary úshin turaqty túrde kóshpeli medısına qyzmeti men jergilikti atqa­rýshy organdarmen kór­se­tiletin mem­lekettik qyz­met­terdi uıymdastyrý qajet­tigin jet­kizdi.

Kún tártibindegi máseleniń biri retinde qalanyń jylý berý maýsymyna daıyndyq barysy men jańa oqý jyly­na daıyndyq jumystary py­syqtaldy. Onda salaǵa jaýapty mamandar jylytý maý­symyna daıyndyq kestege saı júrgizilip jatqanyn aıtyp, 20 tamyzǵa deıin me­dı­sınalyq mekemeler men mek­tepter qysqa daıyn bolatynyn málim etti. Qala basshysy jylý maýsymyna daıyndyqty baqylaýda ustaýdy tapsyryp, shtab otyrysyn aptasyna eki ret ótkizý kerektigin aıtty.

ShYMKENT