Qaraǵandy oblysynda jańa oqý jylynan bastap 13 mektepte Nazarbaev zııatkerlik mektepteriniń (NZM) tájirıbesin taratý jumystary qolǵa alynady. Al ótken jyly óńirde atalǵan mektep baǵdarlamasy 39 bilim mekemesinde qoldanylyp, ol ózin jaqsy jaqsy jaǵynan kórsete bastaǵan bolatyn.
Qaraǵandy oblystyq bilim berýdi damytýdyń oqý-ádistemelik ortalyǵy dırektorynyń tárbıe jumysy jónindegi orynbasary Gúlmıra Kópbaevanyń aıtýynsha, aldaǵy ýaqytta NZM baǵdarlamasy boıynsha jumys isteıtin mektepter sany arta túsedi.
– Muǵalimderdiń biliktiligi ósti, mektepter jańa oqý baǵdarlamalaryna kóshedi, munyń barlyǵy jaqsy nátıje bere bastady, deıdi G. Kópbaeva.
Joǵaryda aıtqandaı, 2019-2020 jylǵy jańa oqý jylynan bastap Qaraǵandydaǵy №№33, 85, «Murager» mektepteri men №3 gımnazııa NZM tájirıbesin paıdalana bastaıdy. Sonymen qatar Balqashtaǵy №16 mektep. Sátbaev qalasyndaǵy Abaı atyndaǵy №4 mektep-lıseı, Shahtınsk qalasyndaǵy № 11 mektep, Aqtoǵaı aýdanyndaǵy Saryshaǵan kentiniń mektebi, Buqar jyraý aýdanyndaǵy Kerneı orta mektebi, Qarqaraly aýdanynyń Egindibulaq kentindegi № 5 mektep, Jańaarqa aýdanyndaǵy B. Amalbekov atyndaǵy mektep, Nura aýdanyndaǵy № 2 qazaq mektebi jáne Shet aýdanyndaǵy Sh. Battalova atyndaǵy orta mektep jańa baǵdarlama boıynsha bala oqytýdy bastaıdy.
Jalpy, Qaraǵandy oblysynda Nazarbaev zııatkerlik mektepteriniń oqý baǵdarlamasy 52 mektepte paıdalanatyn bolady.
Qaraǵandy oblysy