Qurylysshylardyń kásibı merekesi qarsańynda QR IIDM «Jol aktıvteri sapasynyń ulttyq ortalyǵy» RMK men Qazaqstannyń avtojolshylar qaýymdastyǵy arasynda yntymaqtastyq týraly Memorandýmǵa qol qoıyldy. Memorandýmnyń basty maqsaty joldyń nashar sapasyna qarsy birlesken kúres bolyp tabylady. Bul týraly mınıstrliktiń baspasóz qyzmeti habarlady.
Qujatqa qol qoıý barysynda jol sektoryndaǵy iri merdigerlik kompanııalardyń basshylary óz pikirlerin bildirdi. Qazaqstannyń avtojolshylar qaýymdastyǵynyń prezıdenti Áset Asaýbaev qurylys sapasyn arttyrýdyń negizgi tetigi retinde «Kásibı kodeksti» engizý máselesi boıynsha sóz sóıledi. Bul kodeks qujatqa qol qoıǵan kompanııanyń jumys sapasymen kelisetinin bildiredi.
Eń ótkir máselelerdiń biri – ekologııalyq zııandy dep sanalatyn eski asfalt qaldyqtary. «Jol aktıvteriniń ulttyq jol-kólik ortalyǵy» RMK bas dırektorynyń mindetin atqarýshy Zamır Saǵynov qurylys qoqystaryn qaldyratyn kompanııalar úshin aıyppuldardy ulǵaıtýdy usyndy.
Sonymen qatar qurylysshylar kúnine oraı 2019 jyly 9 tamyzda Qazaqstannyń avtojolshylar qaýymdastyǵy Qazaqstannyń avtojol salasyndaǵy eńbek ardagerleriniń, «Atameken» UKP, avtomobıl joldary komıteti, Jol aktıvteriniń sapasy ulttyq ortalyǵy, «QazAvtoJol» UK» AQ basshylarynyń qatysýymen Qaýymdastyq músheleriniń kezekten tys konferensııasyn ótkizdi.
Konferensııada 2019 jyldyń 1-jartyjyldyǵyndaǵy qaýymdastyqtyń qyzmeti týraly esep, 2020-2025 jyldarǵa arnalǵan «Nurly jol» memlekettik baǵdarlamasynyń tujyrymdamasy, QR Avtomobıl joldary ınjener-qurylysshylarynyń kásibı kodeksi qabyldandy, sondaı-aq Qaýymdastyqtyń keńesi men tekserý komıssııasynyń músheleri saılandy.
Saltanatty jaǵdaıda avtojol salasynyń eńbek ardagerleri Botagóz Baıǵojına, Tatıana Sıgacheva, Mamyrbek Jyrymbaev, Tagır Rafıkov, Damır Alımov estelik syılyqtarmen jáne kádesyılarmen marapattaldy.
Konferensııaǵa qatysqan «Atameken» QR UKP Basqarma tóraǵasynyń orynbasary Lázzat Ramazanova Qazaqstannyń avtojolshylar qaýymdastyǵynyń bıznes pen IIDM arasynda dıalog ornatý, norma shyǵarmashylyq bastamalardy shyǵarý kezindegi mańyzdy rólin atap ótti, avtojol salasyna eskalasııany qaıtarý máselesi boıynsha jumys baǵytyn atap ótti.