Almaty qalasyndaǵy sel qaýpine baılanysty tótenshe jaǵdaılar departamenti Qarǵaly ózeniniń qazirgi jaǵdaıy týraly aqparat berdi.
«Aýa temperatýrasynyń sońǵy eki aıda tómendemeýine baılanysty tańǵy saǵat 6:20-lar shamasynda Qarǵaly ózeni basseınindegi №1 kóldiń sýy bosatyldy. Sekýndyna 5 myń tekshe metr jyldamdyqpen shyǵarylǵanda kóldegi sý deńgeıi 5 metrge tómendedi. Aldyn ala esepter boıynsha 20 myń tekshe metr sý aǵyzylǵan», dedi TJD.
«Osyǵan baılanysty Naýryzbaı aýdany Qarǵaly shatqalynda turatyn halyq shuǵyl qulaqtandyryldy. Sonymen qatar, órt sóndirý bólimsheleri, jol patrýldik qyzmetkerleri daýys zoraıtqyshpen halyqty habarlandyrdy», dedi Almaty qalalyq TJD.
Almatynyń Naýryzbaı aýdanyna Qarǵaly ózeninde sel júrý qaýpi tónip turǵandyqtan dabyl jarııalanǵan edi.