Almaty qalasy ákiminiń apparatynda Memlekettik qyzmet isteri departamentiniń vedomstvoaralyq jumys tobynyń otyrysy ótti. Otyrystyń bas moderatory Almaty qalalyq memlekettik qyzmet isteri jónindegi departament dırektorynyń orynbasary, jumys tobynyń tóraıymy Shynaraı Álimhannyń aıtýynsha, kerekti qujattyń elektrondy nusqasyn paıdalaný arqyly qaǵazbastylyq artta qalyp, halyqqa qyzmet kórsetý sapasy artyp keledi. Bul – elektrondy úkimettiń ıgiligi. Al elektrondy qujat – ekonomıkany damytýdyń negizgi tetigi ekeni anyq.
Qazaq úkimeti 2019 jyly memlekettik qyzmet kórsetýdi 80, 2020 jyly 90 paıyzyn avtomattandyrýǵa kóshýdi tapsyrǵan bolatyn. 2019 jyldyń birinshi jartysynda jergilikti atqarýshy oryndary usynǵan 181 qyzmet túriniń 121-i elektrondy úkimet formatynda kórsetilgen.
Komıssııa músheleri jergilikti jáne aýmaqtyq organdar usynatyn birqatar elektrondyq qyzmetterdiń qol jetimsizdiginiń sebepterin baqylaýdy aıaqtaý qajettiligi týraly usynys jasady. Tıisti usynystar bar hatty Memlekettik qyzmet isteri agenttigine jiberý usynyldy. Sondaı-aq, otyrysta Almaty qalasy boıynsha Eńbek komıtetiniń Almaty qalasy boıynsha departamentiniń Almaty qalasyndaǵy qyzmet kórsetýshilerdiń ǵımarattarynda múmkindigi shekteýli azamattarǵa jaǵdaı jasaý boıynsha júrgizilip jatqan jumystary týraly aqparat tyńdaldy. Otyrys barysynda barlyq memlekettik mekemelerde azamattarǵa júgingen kezde memlekettik qyzmetterdi sapaly kórsetý úshin jetkilikti jaǵdaılar joq ekendigi belgili boldy. Osyǵan baılanysty, Almatydaǵy Eńbek komıtetiniń departamentine qyzmet kórsetýshilerdiń ǵımarattarynda múmkindigi shekteýli adamdar úshin jaǵdaılardyń bolýyn baqylaý sharalaryn qabyldaý usynyldy.
Almaty qalalyq memlekettik qyzmet isteri jónindegi departamenttiń mamany Samat Úmbetálıev óz salasy boınysha Almaty qalasy boıynsha jaǵdaıdy saraptap ótti. Qazir memlekettik jáne jeke sektordaǵy 128 uıymnyń 39 elektrondy formatqa tartylmapty. Halyqtyń basym bóliginiń sıfrlyq saýattylyq máselesine asa den qoıa bermeýi de elektrondy úkimet formatynyń damýyna qol baılaý bolyp otyr eken. Jalpy kórsetkishte turǵyndardyń elektrondy úkimet qyzmetine júginý emes, halyqqa qyzmet kórsetý ortalyqtaryna barýǵa basymdyq beretini baıqalǵan.
«Qazir halyqqa qyzmet kórsetý ortalyqtarynda mamandardyń jetispeıtini sezilip júr. Sebebi jalaqy az jáne jumys aýyr. Aldaǵy ýaqytta elektrondy qyzmet túrin ońtaılandyryp, halyqqa barynsha jaqyn jáne túsinikti formatta usynbasaq, jaǵdaı qıyndaıyn dep tur» dep atap ótti Samat Úmbetálıev.
Almaty qalalyq ákimdiginiń ókili Darhan Ahmetov Almaty qalasy elektrondy úkimet formatyna kóshýde kósh bastap otyrǵanyn aıtyp ótti. Tipti Almaty bul rette Nur-Sultanǵa qalasyna da úlgi bolady eken.
IV toqsanda Almaty elektrondy formatqa kóshýdi aıaqtaýy tıis. «Tehnıkalyq problema – ishki problema. Biz ony ózimiz sheshýimiz kerek. Bul syrtqa áser etpeýi tıis», dep atap ótti Darhan Ahmetov.
Saıasattanýshy, bloger Marat Shıbutov ózine deıin sóılegen spıkerdiń sózin qoldaıtynyn ashyp aıtty. Elektrondy úkimet formatynyń negizderin oqytýdy mektepterde, JOO-larda bastaý kerek. Sebebi qazirgi formatty jasy elýden ótip ketken azamattardyń birden meńgerip ketýi qıyn. Sol sebepti onyń negizderin mektepte mektepte oqymaı, búkil halyqtyq nasıhatqa aınaldyrmaı biz alǵa jyljı almaımyz. «Halyqtyń 100 paıyzy bılik oryndarymen baılanysyn elektrondy formatqa kóshirmeı barmaq basty, kóz qystydan aryla almaımyz», deıdi Marat Shıbutov.
Jergilikti atqarý oryndarynyń elektrondy úkimet formatyna tartylmaı otyrýynyń keri eseri týraly osy jyldyń sáýir aıynda ótken bas qosýda keńinen talqylanǵan bolatyn. Tekserý nátıjeleri boıynsha, barlyq memlekettik mekemelerde azamattar júgingen kezde memlekettik qyzmetterdi sapaly kórsetýge jetkilikti jaǵdaılar jasalmaıtyndyǵy anyqtalǵan.
Osy kezdesýdiń qorytyndysy boıynsha Almaty qalasynyń Eńbek basqarmasy men ákimdigine qyzmet berýshilerdiń ǵımarattaryn bekitilgen standarttarǵa sáıkes keltirý talaptarynyń saqtalmaýy sebepterin taldaý, sondaı-aq eńbek departamenti men áleýmettik departament qyzmetkerlerin qosý múmkindigin qarastyrý týraly keńes berildi.
ALMATY