Shymkent qalasy ákiminiń ókimimen Qazaqstan Respýblıkasy Prezıdenti Ákimshiliginiń kelisimimen qalalyq Ishki saıasat jáne din isteri basqarmasyna jańadan basshy taǵaıyndaldy. Bul qyzmetti Janar Bektaeva atqaratyn boldy dep habarlaıdy QazAqparat tilshisi.
Bektaeva Janar Álibekqyzy joǵary bilimdi, Q.A.Iаssaýı atyndaǵy ýnıversıtettiń «Saıasattaný» fakýltetin, Almaty ekonomıka jáne statıstıka akademııasyn ekonomıka mamandyǵy boıynsha bitirgen.
Eńbek jolyn Q.A.Iаssaýı atyndaǵy ýnıversıtettiń «Saıasattaný» kafedrasynyń oqytýshysy bolyp bastaǵan. 2006-2016 jyldar aralyǵynda OQO Ishki saıasat departamenti bóliminiń jetekshi mamany, bas mamany, BAQ monıtorıng jáne aqparattyq saıasat bóliminiń basshysy bolyp istedi, OQO Ishki saıasat basqarmasy basshysynyń orynbasary, OQO ákimi apparatynyń jalpy bóliminiń bas ınspektory, Túrkistan oblysy Túlkibas aýdany ákiminiń orynbasary bolǵan.
2018 jyldyń jeltoqsan aıynan búgingi kúnge deıin Shymkent qalasy Ishki saıasat jáne din isteri basqarmasy basshysynyń orynbasary qyzmetin atqaryp kelgen.