Memleket basshysyna Aqmola oblysynyń bıylǵy 8 aıdaǵy áleýmettik-ekonomıkalyq damý qorytyndylary, sondaı-aq kelesi jyly Kókshetaý qalasynda ótetin Qazaqstan men Reseıdiń óńiraralyq yntymaqtastyǵy forýmyna daıyndyq barysy baıandaldy. Bul týraly Aqordanyń baspasóz qyzmeti habarlady.
Qazaqstan Prezıdenti óńirde agroónerkásiptik keshen men týrızm salasynyń áleýetin nyǵaıtýdyń mańyzdylyǵyn aıtyp, ákimge jer resýrstaryn tıimdi paıdalaný máselesin tapsyrdy. Sondaı-aq, ol balalar men jastarǵa qoljetimdi ınfraqurylym nysandaryn salý qajettigin atap ótti.
Kezdesý qorytyndysy boıynsha Qasym-Jomart Toqaev Ermek Marjyqbaevqa Aqmola oblysyn odan ári damytý jóninde birqatar naqty tapsyrma berdi.