Memlekettik eńbek ınspektorlary aǵymdaǵy jyldyń 7 aıynda 5,5 myń kásiporyndarǵa tekserý júrgizdi, onyń barysynda 7,9 myń eńbek zańnamasyn buzýshylyq anyqtaldy. Tekserý qorytyndysy boıynsha 79 qylmystyq is qozǵaldy. Bul týraly Eńbek jáne halyqty áleýmettik qorǵaý mınıstri Birjan Nurymbetov elordanyń jekelegen kásiporyndaryndaǵy eńbek qatynastarynyń problemalyq máselelerine arnalǵan keńes barysynda málimdedi.
Is-sharaǵa Qazaqstan Respýblıkasy Eńbek jáne halyqty áleýmettik qorǵaý mınıstrligi, Qazaqstan Respýblıkasy Qarjy mınıstrligi Memlekettik kirister komıtetiniń, Nur-Sultan ákimdiginiń jáne elorda kásiporyndarynyń basshylary qatysty.
О́z sóziniń basynda Birjan Nurymbetov kezdesýge qatysýshylardy Qazaqstan kásiporyndaryndaǵy eńbek qatynastarynyń jaı-kúıi týraly habardar etti.
«Eńbek zańnamasyn saqtaý - kez-kelgen kásiporynnyń turaqtylyǵy men tabystylyǵynyń kepili. О́kinishke oraı, búginde respýblıkada 125 kásiporynda 1,6 mlrd teńge jalaqy boıynsha bereshek bar, 3 eńbek janjaly oryn alǵan, mindetti zeınetaqy jarnalary men áleýmettik aýdarymdar boıynsha bereshek somasy 5 mlrd teńgeni quraıdy, 2,4 myń qyzmetker qysqartyldy, óndiriste 749 adam jaraqat alyp, olardyń ishinde 82 adam qaıtys boldy », – dedi mınıstr.
Mınıstr 2016 jyly jańa Eńbek kodeksiniń qabyldanýymen memleket eń tómen eńbek standarttaryn, qyzmetkerlerge tólenetin negizgi kepildikter men ótemaqylar belgilegenin eske saldy, bul rette jumys berýshiler tarapynan olardyń oryndalýyna baqylaý qamtamasyz etiledi.
«Osy jyldyń 7 aıynda memlekettik eńbek ınspektorlary 5,5 myń kásiporynda tekserý júrgizdi, onyń barysynda 7,9 myń eńbek zańnamasy boıynsha buzýshylyq anyqtaldy. Tekserý nátıjeleri boıynsha zań buzýshylyqtarǵa jol bergen kásiporyndardyń basshylaryna 3,2 myń nusqama berildi, sonymen qatar 217 mıllıon teńgege 1,6 myń aıyppul salyndy. Eńbek ınspeksııasynyń talaby boıynsha jumys berýshiler eńbek qaýipsizdigi jáne ony qorǵaý erejelerin buzǵany úshin jaýapqa tartylǵan 11 adamdy jumystan bosatty. 11 jabdyqty paıdalanýǵa jáne 8 uıymnyń qyzmetine tyıym salynady. 523 is quqyq qorǵaý organdaryna joldandy, olar boıynsha 79 qylmystyq is qozǵaldy », - dep tolyqtyrdy B. Nurymbetov.
Eńbek jáne halyqty áleýmettik qorǵaý mınıstri atap ótkendeı, elordada 71 myń belsendi kásiporyn jumys isteıdi, bul respýblıkada 471 myńnan astam adam jumys isteıtin uıymdardyń jalpy sanynyń 16% quraıdy. Bul rette, Nur-Sultan qalasyndaǵy memlekettik ınspektorlardyń sany 11 adamdy quraıdy (respýblıkada 260), ıaǵnı árbir ınspektorǵa 6 myń kásiporynnan keledi.
«Eger bul kásiporyndarda eńbek táýekeli anyqtalǵan jaǵdaıda, eńbek ınspektorlarynyń olardy tolyq tekserýge ókilettigi joq. Sondyqtan ákimdik eń aldymen, memlekettik eńbek ınspektorlarynyń sanyn, biliktiligi men materıaldyq-tehnıkalyq jaraqtandyrylýyn ulǵaıta otyryp, memlekettik baqylaýdy kúsheıtýi qajet», – dedi mınıstr.