Qostanaı oblysy Lısakov qalasynda «Nurly jer» baǵdarlamasy aıasynda bes qabatty jańa úı paıdalanýǵa berildi. Oblys ákimi Arhımed Muhambetov osy úıden qaladaǵy kóp balaly 10 otbasy men densaýlyq saqtaý salasynyń 10 qyzmetkerine páter kiltterin tabys etti.
Arhımed Begjanuly buryn Lısakv qalasyndaǵy úılerdi jóndeý jumystarynan ótkizetin edi, endi elimiz Táýelsizdik alǵan jyldardan beri qaraı lısakovtyqtar tuńǵysh ret jańa úıge kirip otyrǵanyn aıtty.
«Men qalalyq aýrýhanada jumys isteımin, tórt balamyz bar. Páter alýdy armandaıtyn edim, mine, qolym jetti» dedi qonys toıyn toılaǵaly otyrǵan qala turǵyny Sáýle Tasbaýova.
Bul úıdi «Rýdnyısokolovstroı» qurylys fırmasy saldy. Al «Allıýmınstroı Kazahstana» aksıonerlik qoǵamy Lısakov qalasynyń 7-shi shaǵyn aýdanynda ken kásiporny jumysshylary úshin úı saldy. 60 páterden úsh páter dárigerlerge berildi. Turǵyndar tek qana kommýnaldyq qyzmetti ǵana tóleıtin bolady. Qostanaı boksıt ken basqarmasy páterlerdi ishinara jıhazben jabdyqtap ta qoıǵan.
Turǵyn úı qurylysynyń damýy monoqalalardyń bolashaǵynan habar beretini sózsiz.
Qostanaı oblysy
Lısakov qalasy
Sýret kostnews.kz saıtynan alyndy