Kezdesý barysynda Elbasy Qazaqstan men Reseı Federasııasy arasyndaǵy qatynastardy nyǵaıtý jónindegi jumystyń nátıjeleri men perspektıvalaryna toqtaldy. Bul týraly Elbasynyń resmı saıty habarlady.
– Memlekettik Dýma men Parlament Májilisi tutastaı bizdiń elderimiz sııaqty dostyq baılanysta. Bizdiń qatynastarymyz saıasatta da, ekonomıkalyq salada da, sondaı-aq, mádenı-gýmanıtarlyq yntymaqtastyqta da úlgili bolyp tabylady. Biz ári qaraı da osy baǵyttar boıynsha jumysty jalǵastyra beretinimizge senimdimin, - dedi Qazaqstannyń Tuńǵysh Prezıdenti.
О́z kezeginde V.Volodın Elbasynyń Qazaqstan men Reseı arasyndaǵy memleketaralyq qatynastardy ornatýdaǵy jáne nyǵaıtýdaǵy mańyzdy rólin atap ótti.
Sonymen qatar RF Memlekettik Dýmasynyń tóraǵasy aldaǵy parlamenttik sharaǵa daıyndyqtyń joǵary deńgeıin aıta kele, parlamentaralyq baılanystardy nyǵaıtýdaǵy spıkerler keńesiniń ósip kele jatqan róline nazar aýdardy.