Sooronbaı Jeen­bekov Túrki keńe­siniń Bas hat­shysymen kezdesti

Kezdesý barysynda Bas hatshy Qyr­ǵyzstan basshysyna aldaǵy 15 qazanda Bakýde ótetin kezekti 7-shi TMYK sam­mıtine daıyndyq týraly, sondaı-aq Túrki keńesi hatshylyǵynyń múshe elderi arasyndaǵy túrli saladaǵy yn­ty­maqtastyqty ınstıtýttyq damytý boıynsha júrgizetin negizgi ju­mystary týraly habarlady.

B.Ámireev Prezıdent S.Jeenbe­kov­ti búgingi múshe elderde Túrki bir­ligi kúni retinde atap ótiletin TMYK qurylýynyń 10 jyldyǵymen jáne Qyrǵyzstannyń Uıymǵa tóra­ǵa­lyǵynyń jemisti ári  sátti aıaqta­lýymen quttyqtady.

Prezıdent Sooronbaı Jeen­be­kov aldaǵy kele jatqan Túrki Ke­ńesi­niń mereıtoılyq sammıtiniń mańyz­dylyǵyn atap ótip, О́zbek­stan­nyń Túrki keńesine tolyqqandy múshe bolyp kirýine, sondaı-aq Uıym múshe­liginiń keńeıýine úlken razylyq bil­dirdi. Sonymen qatar TMYK-nyń Bý­dapeshtte Eýropalyq keńsesiniń ashylýyna jáne basqa da halyqaralyq uıymdarmen yntymaqtastyqtyń barysyna zor qanaǵattanýshylyǵyn aıtty. 

Qyrǵyzstan Prezıdenti Túrki keńesi hatshylyǵy jumy­sy­nyń ónim­diligin baǵalap, ynty­maq­tastyq­tyń jańa ınstıtýttary – Túrki saýda-ónerkásip palatasynyń, Inves­tısııalyq qory­nyń qurylýy boıynsha júrgizilip jat­qan ju­mys­tardyń mańyzdylyǵyn atap ótti.

Taraptar kezdesý barysynda al­daǵy sammıttiń kún tártibindegi máse­lelerdi jan-jaqty talqylap,  Túr­ki keńesi aıasyndaǵy Qyrǵyz Respýb­lıkasymen yntymaqtastyq perspektıvalary boıynsha pikir almasty.

«Egemen-aqparat»