Senat Tóraǵasy Darıǵa Nazarbaeva oqytýshylardy kásibı merekesimen quttyqtady. Bul týraly Senattyń baspasóz qyzmeti habarlady.
«Sizderdi Ustazdar kúni – kásibı merekelerińizben shyn júrekten quttyqtaımyn! Bul árqaısymyzǵa óte jaqyn, meıirim men izgilik shýaǵy tógiletin mereke. О́ıtkeni ustaz – bul jaı ǵana mamandyq ıesi emes, adam jan-júregimen tańdaǵan asa jaýapty, óte qadirli qyzmet», - dedi Senat Tóraǵasy.
Spıkerdiń aıtýynsha, «Muǵalimniń maqsaty – bilimdi ári zerdesi oıaý, qazirgi zamanǵa laıyq sanaly urpaq tárbıeleý. Bizdiń balalarymyzdyń boıyna jaqsy daǵdymen qatar bilimge degen qushtarlyq pen óz-ózine senimdilikti, is-áreketine jaýapkershilikpen qaraý qasıetin sińirý búgingi kúnde mańyzdy bolyp otyr».
«Biz qazaqstandyq ustazdardy shyn júrekten maqtan tutamyz. Búgingi mereke – bul barlyq oqýshylarǵa, qazir oqyp jatqan oqýshylarǵa da, mektep túlekterine de óz ustazdaryna rızashylyǵyn jetkizýdiń tamasha múmkindigi. Sizderge zor densaýlyq, baq-bereke jáne jańa tabystar tileımin! Oqýshylar óz jeńisterimen jáne jetistikterimen qýantsyn!» - dedi Darıǵa Nazarbaeva.