Chehııada Frydek-Mıstek eldi mekeninde (chesh. Frydek-Mistek, Moravskoslezsky kraj, stat Cesko) qaza tapqan jáne qurmetti áskerı qabirde jerlengen Qyzyl ásker jaýyngerlerdiń attaryn jáne derbes derekterin anyqtaý boıynsha jumys aıaqtaldy. Bul týraly Elorda ákimdiginiń baspasóz qyzmeti habarlady.
Jaýyngerlerdiń jerlengen jerlerin izdestirý-zertteý jumystaryn Reseı Federasııasy Qorǵanys mınıstrliginiń Chehııada áskerı-memorıaldyq jumysty uıymdastyrý jáne júrgizý boıynsha ókili Chehııadaǵy Qazaqstan Respýblıkasy Elshiliginiń járdem kórsetýimen júrgizgizdi. Birlesken izdeý-zertteý jumysynyń nátıjesinde tıisti katalog anyqtaldy, onyń ishinde 542 jańa at anyqtalyp, 895 adamnyń qosymsha derbes derekteri naqtylandy.
Sondaı-aq Frydek-Mıstek Mıstek eldi mekeninde osy áskerı qabirde qurban bolǵan Qyzyl Ásker jaýyngerleriniń attarymen memorıaldyq plıta ornatylady. Memorıaldyq plıtalardyń saltanatty ashylýy 2019 jylǵy qazannyń aıaǵy-qarashanyń basynda ótkiziledi dep josparlanǵan.
Osyǵan oraı, qaza tapqan jaýyngerlerdi laıyqty túrde máńgi este saqtaý maqsatynda Reseı Federasııasy qaza tapqan qazaqstandyq sarbazdardyń jaqyn týystaryn osy is-sharaǵa qatysýǵa shaqyrady.