Kórshi Chelıabi oblysynyń delegasııasy qostanaılyqtarmen birneshe baǵytta memorandýmǵa qol qoıdy.
Olar aldymen Qostanaıdaǵy birneshe kásiporyndardy aralady. Sodan keıin shara oblys ortalyǵyndaǵy «Jastar saraıyna» aýysyp, munda qostanaılyqtar chelıabilikterdiń ákelgen foto, qolónershiler kórmelerin jáne Zlatoýst qalasyndaǵy 200 jyldyq tarıhy bar qarý-jaraq zavody shyǵarǵan altynnan jasalǵan kádesyılar kórmesin tamashalady. «Ýveldy» sanatorıiniń mamandaryn tyńdady.
Munan keıin Chelıabi oblysy delegasııa men Qostanaı oblysynyń arasynda saýda-ekoenomıkalyq, ǵylymı tehnıka jáne mádenıet, qoǵamdyq kelisim salalary boıynsha ekijaqty memorandýmdarǵa qol qoıyldy.
«Ekonomıkanyń kóptegen salalary boıynsha eki irgeles oblystyń bir-birinen alary-bereri mol. Mysaly, avtomashına jáne mashına qurastyrý salalarynda Chelıabiden avtobólshekter alamyz. Sonymen qatar turǵyn úı qurylysynyń qarqyn alýyna oraı Chelıabi oblysymen baılanysty nyǵaıtýǵa týra keledi. Chelıabide kran munarasyn jasaıtyn kásiporyndar bar, basqa da qurylys materıaldaryn alamyz. Munyń barlyǵy da bizge kerek» dedi oblys ákimi Arhımed Muhambetov.
Sonymen qatar Arhımed Begejanuly eki oblystyń gýmanıtarlyq, mádenı, mamandar daıyndaý, týrızm salalarynda da baılanysy nyǵaıa túsetindigin aıtty
Qostanaılyqtar Chelıabi jáne Qostanaı oblystary shyǵarmashylyq ujymdarynyń birlesken konsertin tamashalady.