Aqtóbede kýrsanttar ushý ınstıtýtyn bitirdi.
Is-shara dástúr boıynsha Tuńǵysh Prezıdent atyndaǵy qalalyq parkte ótti. Keńes Odaǵynyń eki márte batyry Talǵat Begeldınovatyndaǵy Áýe qorǵanys kúshteri Áskerı ınstıtýnyń 104 túlegine alǵashqy «leıtenant» áskerı ataǵy saltanatty túrde tapsyrylyp, joǵary bilim týraly dıplomdar men tós belgileri berildi. Túlekter arasynda – UQShU baǵdarlamasy boıynsha JOO-nda oqyǵan Qyrǵyzstan men Tájikstannyń 10 ókili bar.
Leıtenanttardy shyǵarý – erekshe dástúrge toly saltanatty rásim: jaýyngerlik týdy alyp shyǵý, alǵashqy ofıserlik valsi jáne kýrsantretinde sońǵy sherýmen ótý.
Tórt jyl boıy JOO-nda kýrsanttar áskerı isti, avıasııa mamandyqtaryn meńgerip, dene shydamdylyqtaryn arttyrdy. Bolashaq ushqyshtar men avıasııa mamandary ushý tájirıbesinen jáne Áýe-qorǵanys kúshteri avıasııalyq bólimderinde áskerı taǵylymdamadan ótti, avıasııalyqtehnıkanyń ushý jáne tehnıkalyq paıdalaný boıynsha tájirıbesine ıe boldy.
Qazirgi zamanǵy áskerı ushaqtar men tikushaqtardyń qurylǵysynyń kúrdeliligi áskerı ushqyshtardan tereń ınjenerlik bilimdi qajet etedi. Sondyqtan ınstıtýtta ushaqty basqarýdan basqa ushý apparattarynyń barlyq júıelerin saýatty paıdalaný qoldanýdy úıretedi.
Oqý jyldarynda ár kýrsant oqý baǵdarlamasyna sáıkes maıdan, armııa nemese áskerı-transporttyq avıasııada shamamen 80 saǵatty quraıdy.
Jas ofıserler arasynda áskerı avıasııa mamandarynyń mamandyqtaryn ıgerip qana qoımaı, sonymen qatar sportta, ınstıtýttyń qoǵamdyq ómirinde jáne ǵylymı jumystardajoǵary nátıjelerge qol jetkizgen, oqý-materıaldyq bazany jaqsartý boıynsha usynystar engizgen túlekter erekshe atap ótildi.
Ortalyq Azııadaǵy jalǵyz ushý ınstıtýtynyń ofıser-túlekteri suranysqa ıe jáne QazaqstanQarýly Kúshteri qatarynda qyzmet atqarady. Odan basqa, UQK Shekara áskerleri avıasııalyq bólimderinde jáne IIM arnaıy bólimshelerinde qyzmet ete alady.