О́ńirdi damytýdyń ózekti máseleleri qaraldy

Jumys sapary Pavlodar oblys­tyq jáne qalalyq máslıhat depýtat­tarymen kezdesýden bastal­dy. Júzdesýde Parlament Sena­ty men aımaqtaǵy zań shyǵarý or­gan­darynyń ózara is-qımyl máseleleri talqylandy. D.Nazarbaevanyń aıtýyn­sha, eldiń basqarý júıesinde jergi­likti ózin ózi basqarý tolyq­qan­dy jáne kúshti býyn bolýy tıis.

Kezdesý barysynda depýtattar Senat Tóraǵasyna aımaqty damy­týdyń ózekti máseleleri týraly aıtty. Ambýlatorlyq kómek kórsetý ta­rıfterin arttyrý, qurylystyń sapasy men qaýipsizdigi, oqýshylardy ystyq tamaqpen qamtamasyz etýge qatysty áńgime órbidi.

Depýtattar sondaı-aq óńirdegi ekologııalyq máselelerdi de qozǵady, olardy ónerkásip óndi­ris­teriniń atmosferany lastaýy erekshe alańdatyp otyr.

Senat basshysy óz sózinde tabı­ǵat­ty qorǵaý qyzmetin qarjylyq qam­ta­ma­syz etý máselelerine basa na­zar aý­dardy. D.Nazarbaeva qazirgi kez­de ekologııalyq turǵyda zııan kel­ti­retin kásiporyndar az aıyppul tó­lep kele jatqanyn, degenmen bul jaǵ­­daıdy ózgertý kerektigin atap ótti. Jı­nal­ǵan qarajatty bólý jó­nin­­de de nazar aýdaratyn máseleler bar.

«Bul aıyppuldar qaıda ketip jatyr, olar qaıda jınaqtalady, kimniń qaramaǵyna túsedi? Biz ony Úkimetpen baıypty túrde talqylaýymyz kerek. Bylaı bolýy kerek, oblysta ornalasqan kásiporyndardyń emıssııalarynan jınalatyn qarjynyń edáýir bóligi oblysta qalyp, tabıǵat qorǵaý sharalaryna jiberilýi tıis», – dedi D.Nazarbaeva.

D.Nazarbaeva S.Toraıǵyrov atyn­daǵy ǵylymı ámbebap kitaphanasynda oblystyq jáne qalalyq qoǵamdyq keńes múshelerimen kezdesti. Bılik pen halyq arasyndaǵy únqatysýdaǵy jurtshylyq ókilderiniń róli, sondaı-aq qoǵamdyq keńester jumysynyń te­tik­terin jetildirý talqylaý taqy­ry­by boldy.

Senat Tóraǵasy jumys sapary ba­rysynda «Pavlodar» arnaıy eko­no­mıkalyq aımaǵynda baıytylǵan alıýmınıı óndirý zaýytynda boldy.

Darıǵa Nazarbaevaǵa arnaıy eko­no­mıkalyq aımaǵynyń jumysy kór­setilip, ınvestorlarǵa arnalǵan jaǵ­daılar týraly aıtyldy. Senat Tór­aǵasy baıytylǵan alıýmınıı shy­ǵaratyn jáne onyń jeńil balqy­masynan avtomobıl dıskilerin jasaıtyn «Giessenhaus» zaýytynyń jumysymen tanysty. Zaýyt 2017 jyly iske qosylǵan bolatyn. Kásip­orynnyń jobalyq qýaty jylyna 5400 tonna ónimdi quraıdy.

Senat Tóraǵasy sondaı-aq Qazaqstan Jastar kongresi keńesiniń Tóraǵasy Darıǵa Nazarbaeva Pavlo­dar oblysynda Jastar kongresiniń kúni aıasyndaǵy sharalarǵa qatysty.

Atap aıtqanda, M.Kataev atyn­daǵy Oqýshylar saraıynda jet­kinshekterdi «Jas Ulan» qataryna saltanatty qabyldaý rásimine qatysyp,  «jasulandyqtar» qataryna jańadan qabyldanǵan jastarǵa izgi tilegin aıtty.

Senat Tóraǵasy odan keıin jaqyn aradan beri Toraighyrov University dep atalatyn Pavlodar memlekettik ýnıversıtetinde boldy. Bul jerde jastardyń «Jasyl el» eńbek jasaqtarynyń XV maýsymy saltanatty túrde jabyldy.

Eń úzdik jaýyngerler men otrıadtar «Úzdik sarbaz», «Úzdik jasaq», «Úzdik jetekshi», «Úzdik komandir» jáne taǵy basqa arnaıy ataýlar boıynsha marapattaldy.

Senat basshysy Jastar bastamalaryn damytý ortalyǵynda Ulttyq eriktiler jelisiniń eriktiler bastamalary kórmesine qatysty.

Respýblıkalyq «Jomart Jurek» syılyǵynyń «Jyl eriktisi» ataýy boıynsha ıegeri Aıajan Qurmanova aımaqtaǵy eriktilerdiń qyzmetin qonaq­tarǵa tanystyrdy jáne «Aqkóńil­der klýby», shala týǵan balalarǵa kómek kórsetý jónindegi «28 ilmek» qaıyrymdylyq klýby, «Vıta» izdestirý jasaǵy týraly aıtyp berdi.

Parlament Senatynyń Tóraǵasy Pavlodardaǵy Dostyq úıinde Qazaqstan Jastar kongresiniń jalpy otyrysyna qatysyp, respýblıkalyq jastar uıymdarynyń ókilderimen kezdesti. Kezdesý barysynda Darıǵa Nazarbaeva Jastar Kongresiniń múshelerine medaldar men Alǵys hattar tabys etti.