Aýa raıynyń qolaısyzdyǵyna baılanysty Nur-Sultan qalasynyń Polısııa departamenti júrgizýshilerge eskertý jasady. Bul týraly PD baspasóz qyzmeti habarlady.
Polısııadaǵylar turǵyndardan avtokólikterin jol jıegine qoımaýdy suraıdy. Jol jıegine qoıylǵan kólik qar tazalaıtyn tehnıkanyń jumysyna kedergi keltiretinin aıtady. Belgilenbegen oryndarǵa qoıylǵan kólik quraldary evakýatorlardyń kómegimen aıyppul turaǵyna jetkiziledi eken.
«Júrgizýshiler jyldamdyq rejımin, qashyqtyqty saqtaýyna, jol belgileriniń nusqamalaryn oryndaýyna jáne shuǵyl áreketter jasamaýyna, qys mezgilinde tozǵan jáne «jazǵy» dóńgelekpen júrmeýine erekshe nazar aýdarýlary qajet» deıdi vedomstvo baspasóz qyzmeti.
Bir táýlik ishinde elorda joldarynda 70-ten astam jol kólik oqıǵasy tirkelip, 1 adam dene jaraqatyn alǵan.