28-29 qarashada Irannyń bas shahary – Tehranda grek-rım kúresinen álem kýbogy jolyndaǵy jarys ótedi.
Parsy elinde jalaýy jelbireıtin aıtýly básekede ústimizdegi jyldyń qyrkúıek aıynda Nur-Sultanda ótken álem chempıonatynyń jalpy komandalyq esebinde alǵashqy segiz oryndy ıelengen memleketterdiń órenderi ǵana baq synaý qurmetine ıe boldy.
Osy týrnırde Qazaqstannyń ulttyq quramasy Iran, Reseı jáne Kýba balýandarymen bir topta óner kórsetedi. Toptyq týrnır jarystyń alǵashqy kúni-aq óz máresine jetedi. Bizdiń jigitter alǵashynda Bostandyq araly ókilderimen beldesse, odan keıin reseılikter jáne boz kilem qojaıyndarymen kúsh synasady. 29 qarashada túrli oryndardyń ıegerleri, álem kýbogynyń júldegerleri jáne jeńimpaz komanda anyqtalady.
Al kelesi topta О́zbekstan, Grýzııa, Japonııa jáne Vengrııa quramalary ózara sheberlik baıqasady.