«Egemen Qazaqstan» gazetiniń 19 qarasha kúngi sany Tuńǵysh Prezıdent – Elbasy Nursultan Nazarbaevtyń Qazaqstan halqy Assambleıasy Tóraǵasynyń orynbasary Janseıit Túımebaevty qabyldaǵany týraly aqparatpen bastalyp, taýar aınalymyna qatysty ekonomıkalyq saraptama maqalamen sabaqtasqan.
«Egemendik» Erkejan Aıtqazy «Baspanamen qamtıtyn basty baǵdarlama» atty materıalynda Úkimet otyrysynan aqpar berip, «Nurly jer» memlekettik turǵyn úı qurylysy baǵdarlamasy, mindetti áleýmettik medısınalyq saqtandyrýdy engizýdiń qanatqaqty jobalary jóninde baıandaıdy.
***
Saıası salmaqty saraptalar men strategııalyq seriktestikti nyǵaıtatyn basty basqosýlar da, Memleket basshysy Qasym-Jomart Toqaevtiń Qazaqstan halqyna joldaýynyń iske asyrylýy da gazettiń osy sanynda berildi.
«Er Edige jáne eldik múdde» atty tarıhı-tanymdyq maqalada jeti júz elý jyldyq tarıhy bar Altyn Orda sııaqty alyp ımperııanyń sol qanatynyń qolbasshysy bolǵan, Ulyq Ulystyń bıligin 20 jyldaı ýysynda ustaǵan «el qamyn jegen Edige» atanǵan uly tulǵanyń dastandaǵy beınesi jan-jaqty jazylǵan.
***
Al Súleımen Mámet «Bolmysy bútin Baǵaev» dep atalatyn maqalasynda ǵasyrlyq tarıhy bar «Egemennniń» ardaqty ardageriniń bolmys-bitimin, azamattyq bedeli men beınesin sýretteıdi.
***
Áleýmettik, qoǵamdyq saraptalardan bólek, sport mádenıetke qatysty jańalyqtardy bilgińiz kelse «Egemen Qazaqstan» gazetiniń 19-qarasha kúngi sanyn nemese egemen.kz saıtyn oqı júrińizder.