Memlekettik sapary aıasynda Qyrǵyzstan basshysy Sooronbaı Jeenbekovpen shaǵyn quramda kezdesý ótkizgen Qazaqstan Prezıdenti Qasym-Jomart Toqaev Joǵary Memleketaralyq keńeske joǵary baǵa berdi.
Joǵary Memleketaralyq keńestiń osyǵan deıingi 4-otyrysy 2014 jyly Nur-Sultan qalasynda ótkenin, sodan bergi aralyqtaǵy jumysynda úzilis bolǵanyna qaramastan bul Keńes qarym-qatynastardyń barlyq spektrinde ekijaqty mańyzdy saıası sheshimderdi qabyldaýǵa yqpal etetin áriptestiktiń joǵarǵy organy bolyp qala beretinin aıtty.
– Sońǵy eki jyldaǵy saýda soǵystary, sanksııalyq teketirester, halyqaralyq naryqtaǵy konıýnktýralardy nasharlatty. Bul qıyndyqtarǵa qaramastan biz ózara áriptestiktiń joǵary deńgeıin saqtadyq. Qyrǵyzstan Qazaqstan úshin qaıyrymdy dos, odaqtas jáne baýyrlas memleket bolyp qala beredi,- dedi Qasym-Jomart Toqaev.
Arnur ASQAR,
«Egemen Qazaqstan» – Bishkekten