«Qaıyrymdylyq balalar kózimen» atty sýret kórmesimen ashylǵan III oblystyq mesenattar forýmyna oblys ákimi Qýanyshbek Ysqaqov, aımaqta mesenattyqpen aınalysyp júrgen azamattar, etnomádenı birlestikter ókilderi qatysty. Oblystyq Qazaqstan halqy assambleıasy uıymdastyrǵan sharada óńir basshysy osy baǵyttaǵy atqarylyp jatqan jumystardy saralap ótti.
Búginde Qazaqstan halqy assambleıasynyń bastamasymen elimizde mesenattardy nasıhattaý júıeli túrde júrgizilip keledi. «Úlken el – úlken otbasy» jalpyulttyq jobasy sheńberinde «20 ıgi is» aksııasy, «Taıqazan» estafetasy, «Qaıyrymdy el» jobalary sátti ótkizilip, «Qamqor» aksııasy aıasynda Uly Otan soǵysy jáne eńbek tyl ardagerlerine kómek berý jolǵa qoıylǵan. Uly dala dástúrlerine negizdelgen «Qaıyrymdylyq kerýeni» jalpyulttyq naýqany halyqtyq qoldaýǵa ıe bolýda. Memleket basshysynyń bastamasymen 2020 jyl Volonter jyly bolyp jarııalanǵany belgili. Osyǵan oraı barlyq qala jáne aýdan ákimderi, memlekettik mekemeler eriktilerdiń bastamalaryn qoldaý boıynsha jan-jaqty kómekti kórsetýi tıis. Sondaı-aq volonterlardy daıyndaıtyn bilim berý ortalyqtaryn uıymdastyrý, qaıyrymdylyq mádenıetin damytyp, mektepterde eriktiler úıirmelerin ashýǵa mán berýimiz kerek, dedi aımaq basshysy,
О́ńirde jyl basynan beri jomart azamattar qoldaýymen 686 qaıyrymdylyq sharasy uıymdastyrylyp, 40 520 adamǵa 514,7 mln teńgeniń kómegi kórsetildi. Týǵan jerin túletýge úles qosyp júrgen mesenattar qatary da jyl sanap artyp keledi.
«Týǵan jer» jobasy aıasynda osy jyly demeýshiler qoldaýymen 144 nysan salynyp, 10 nysan qaıta jóndeýden ótti. Oblys boıynsha 5 medısınalyq pýnkt paıdalanýǵa berilip, 8 demalys orny, 4 sport alańy men keshender boı kóterdi.
Tabysy tómen azamattardyń baspana máselesin sheshý maqsatynda «Balameken» jobasy sheńberinde Bolat О́temuratov qory kópbalaly 100 otbasyna turǵyn úı salyp berdi.
Oblys ortalyǵymen qatar aýdandarda da bul baǵytta jemisti is bar, jeke kásiporyndar jáne eriktiler esebinen 24 otbasy baspanaly boldy. Onyń ishinde 10 úıdi jaqsy bastama kótergen jastar saldy. Osy rette «Jańarǵan Jańaqorǵan jastary» eriktiler tobynyń isi kópke úlgi.
Sondaı-aq óńirdegi irgeli munaı kompanııalarynyń biri «Petro Qazaqstan» AQ túrli baǵyttaǵy qaıyrymdylyq is-sharalaryna 136 mln, «Torǵaı Petroleým» AQ 47 mln, al «QazGerMunaı» JShS 25 mln teńge qarjy bólgen.
Forýmda qınalǵanǵa qolushyn sozyp júrgen azamattar 16 atalym boıynsha marapattaldy. Odan bólek, birqatar kásipkerler oblys ákiminiń alǵys hatyn ıelendi.
Mesenattar forýmynda qaıyrymdylyq baǵytta qarymdy jumys atqaryp júrgen kásipker, «Nuraı» JShS dırektory Seıitqalı Alshynbaev, «Petro Qazaqstan» AQ basqarma tóraǵasy Chjao Sıaomın jáne erikti jastar jetekshisi, «Jańarǵan Jańaqorǵan jastary» QB basshysy, aýdandyq máslıhat depýtaty Arman Májitov sóz sóıledi.
Sharada oblystyq assambleıa bastamasymen Tuńǵysh Prezıdent merekesi qarsańynda oblys kóleminde qaıyrymdylyqty nasıhattaýǵa arnalǵan eki aptalyq keshendi sharalardyń beınerolıgi kórsetildi.