Bul týraly Nur-Sultan qalasy ákimdiginiń baspasóz qyzmeti habarlady.
«Elorda ákimi Altaı Kólginov «Nur Otan» partııasynyń qalalyq fılıalyndaǵy qoǵamdyq qabyldaý bólmesinde qabyldaýǵa jazylǵan azamattarmen kezdesti. Turǵyn úı baǵdarlamalaryna qatysý, eńbek quqyǵyn buzý, janýarlardy zańsyz atý, turǵyn úı kommýnaldyq sharýashylyǵy boıynsha máseleler kóterildi.
Qaladaǵy turǵyn úı turǵyndarynyń biri lıft aqysyn ýaqytyly tólegenimen, keı kezde olardyń jasamaıtynyn aıtty. Budan bólek óz betinshe ornatylǵan metall qorshaýlar alyp tastaýdy surady.
4 aı ishinde elorda ákimi A. Kólginov 630-dan astam azamatty qabyldady. Sonymen qatar azamattardy qabyldaý aýdandyq ákimdikterde jáne de «Januıa» otbasy ınstıtýtyn qoldaý ortalyǵynda júıeli túrde ótkiziledi. Kóterilgen árbir másele baqylaýǵa alynyp, olar boıynsha jumystar júrgizilip jatyr», delingen habarlamada.