Qaraǵandy oblysyndaǵy Qarqaraly aýdanynyń ákimi laýazymyna Eldar Dúısetaev taǵaıyndaldy. Bul týraly oblys ákiminiń baspasóz qyzmeti habarlady.
Eldar Serikuly Dúısetaev 1981 jyly Qarqaraly aýdanynda dúnıege kelgen. Úsh joǵary bilimi bar: 2003 jyly E.Bóketov atyndaǵy Qaraǵandy memlekettik ýnıversıtetin, 2006 jyly Qaraǵandy ekonomıkalyq ýnıversıtetin jáne 2019 jyly «Bolashaq» baǵdarlamasy boıynsha Ońtústik Kalıfornııa ýnıversıtetin támamdaǵan. Biliktiligi boıynsha tarıh pániniń oqytýshysy, menedjment bakalavry, halyqaralyq memlekettik saıasat jáne menedjment magıstri.
Eńbek jolyn 2003 jyly Qarqaraly qalasyndaǵy №2 orta mektepte muǵalim bolyp bastaǵan ol sol jyly memlekettik qyzmetke aýysqan. 2010 jylǵa deıin Qaraǵandy oblysynyń jergilikti atqarýshy organdarynda jumys istedi, onda jetekshi mamannan bólim meńgerýshisine deıingi qyzmettik joldan ótti.
2010 jyldan 2014 jylǵa deıin ortalyq memlekettik organdarda jáne onyń aýmaqtyq bólimshelerinde ártúrli basshylyq laýazymdarda boldy. 2014 jyldyń qyrkúıek aıynan bastap osy qyzmetke taǵaıyndalǵanǵa deıin Qaraǵandy oblysy ákimi apparaty basshysynyń orynbasary qyzmetin atqardy.
Qarqaraly aýdanynyń burynǵy ákimi Halel Maqsutov basqa jumysqa aýysýyna baılanysty qyzmetinen bosatyldy.
Qaraǵandy oblysy