Oblys ákimi Qýanyshbek Ysqaqov Qazaly aýdanyna jumys saparymen baryp, salynyp jaqtan nysandar qurylysymen tanysty. Jańa úıden baspana alyp jatqan turǵyndar qýanyshyna ortaqtasty.
Aımaq basshysy Áıteke bı kentiniń 5 kvartal aımaǵyndaǵy kópqabatty úıden páter alǵan 18 turǵynǵa kilt tabystady. «Altyn alqa» ıegeri Ultýǵan Dáýletovanyń páterin aralap kórip, jańa baspananyń baıǵazysy retinde teledıdar tartý etti.
18 páterli 6 kópqabatty jańa turǵyn úıler «Nurly jer» baǵdarlamasy aıasynda aýdandyq qurylys, sáýlet jáne qala qurylysy bóliminiń tapsyrysy boıynsha salynyp otyr. Bul úılerge negizinen kóp balaly otbasylar men ata-ana qamqorlyǵynsyz qalǵan balalar qonystanady. Ázirge barlyq úıdiń qurylysy tolyq aıaqtalǵan joq. Merdiger mekemeler qurylysty merziminde bitirip, turǵyndarǵa páter kezeń-kezeńimen beriledi.