О́tken senbide Atyraý oblysyndaǵy №157/1 tergeý abaqtysynda otyrǵandardyń týysqandary men qorǵaýshylary shý shyǵardy. Túrmeishilik kezekti tekserý sharasyna kelispegen tutqyndar ózderine qol jumsaýǵa deıin bardy. Bul týraly oblystyq ishki ister departamenti baspasóz qyzmetiniń jetekshisi Gúlnázıra Muhtarova habarlady.
Keıinnen belgili bolǵanyndaı, tergeý abaqtysynda otyrǵandar arasynan 1 aıyptalýshy óz ishin ózi jarǵan, al 7 tutqyn qoldaryn kesipti. Jaraqat alǵandardyń barlyǵyna shuǵyl medısınalyq járdem kórsetilgen. Atyraý oblystyq ishki ister departamentiniń baspasóz hatshysy G.Muhtarovanyń málim etýinshe, ótken jumada tergeý abaqtysynda kezekti tekserý j.rgizilgen. Tekserý barysynda túrme erejesine sáıkes kelmeıtin kóptegen zattar tabylyp, tárkilengen.
-Kezekti tekserý kezinde tutqyndardan ushtalǵan, kesetin túrli zattar, uıaly telefondary, tipti 2,5 lıtr qoldan ashytylǵan spırtti ishimdik, ıaǵnı «braga» tabyldy. Erejege sáıkes kelmeıtin zattardyń bári tárkilendi. Al tutqyndarǵa zábir kórsetti, uryp-soqty degen derek jalǵan,-dedi Gúlnázıra Muhtarova.
Joldasbek Shópeǵul,
«Egemen Qazaqstan».
Atyraý oblysy.