Qazaqstannan shyqqan oqýshy-kásipker Smaıyl Maqyshov bıyl Phillips Exeter Academy mektebin bitiredi. Bul – Niche reıtıngisiniń basynda #1 bolyp turǵan AQSh-taǵy áıgili oqý orny. Máselen, Facebook áleýmettik jelisiniń negizin qalaǵan Mark Sýkerberg te osy mekteptiń maqtanyshy.
Al Smaıyl Maqyshev New Hampshire shtatyndaǵy atalǵan mekteptiń Qazaqstannan shyqqan tuńǵysh túlegi. Ekiniń birine buıyrmaıtyn mundaı mektepke qazaq balasy qaıdan tap boldy desek, sońǵy jyldary Smaıyl úsh startap ashyp, onyń biri álem oqýshylary qatysqan startaptar konkýrsynda úzdik dep tanylǵan 20 startaptyń sanatyna ilikken. Sondaı-aq Smaıyl AQSh-taǵy kompıýterlik ǵylym olımpıadasyna (USA Computing Olympiad) da qatysady. Bul AQSh-taǵy kompıýterlik baǵdarlamalar boıynsha eń bedeldi jarys bolsa, Smaıyl osy olımpıadanyń Altyn dıvızııasyna deıin jetip (Gold Division), 2019 jyly New Hampshire Science and Engineering Expo olımpıadasynda sandar teorııasy jobasy boıynsha matematıkadan 1 oryndy ıelengen.
Munan da bólek, qazaq balasy atalǵan mekteptiń belsendi kóshbasshysynyń biri. Stýdenttik keńes, Halyqaralyq stýdentter alıansy, Jas kásipkerler klýby, Exeter LaunchX Club sııaqty kóptegen klýbqa jetekshilik etedi.
– Men kishkentaı kezimnen aldyma joǵary maqsat qoıdym. 10 jasymnan bastap ata-anamnan jyraqtamyn. О́z qyzyǵýshylyǵyma sáıkes mektepter aýystyra otyryp, kompıýterlik ǵylym men matematıkadan kúrdeli, jetildirilgen kýrstary bar jáne birikken jobalar men ıdeıalardy birge júzege asyra alatyn qatarlastarym bar mektep tabýǵa sheshim qabyldadym. Osyndaı mektepterdiń qatarynda jáne tizimde birinshi bolyp, negizi 1781 jyly qalanǵan Phillips Exeter Academy turdy. Jekemenshik mekteptiń stýdentter qalashyǵyna 11 jasymda keldim. Zertteı kele, izdep júrgenim osy mektep ekenin túsindim. Bul mektepke barlyq memleketterden halyqaralyq olımpıadalardyń jeńimpazdary, ǵylymı jobalardyń júldegerleri, halyqaralyq deńgeıdegi sportshylar men talantty mýzykanttar, qysqasy, óz mektepteriniń kóshbasshylary bola alǵan oqýshylary qabyldanady eken. Aldaǵy kúnderi Phillips Exeter Academy mektebin aıaqtaıtyn Maqyshov qazir Halyqaralyq stýdentter keńesin basqarady. Sondaı-aq ol mektep qorynan búkil álem boıynsha shaǵyn bıznesti qarjylandyra alatyn Jas kásipkerler klýbyna da jetekshilik etip otyr. Bul klýb 14 eldegi 28 shaǵyn kásipkerge bastapqy nesıe bergen. О́z mektebinen bólek, ótken jyly jazda AQSh-tyń soltústik-shyǵysyndaǵy 35-ten astam mekteptiń kásipkerler klýbynyń aımaqtyq dırektory bolyp taǵaıyndalypty. Al LaunchX Slubs – mektep oqýshylaryna arnalǵan kásipkerlik boıynsha álemdegi eń iri baǵdarlama.
ALMATY