24 saǵat

Polıseı formasyn­ kıgen birneshe ondaǵan tálip­ter seısenbige qaraǵan túni Pákstannyń soltústik baty­syn­daǵy Dera-Ismaıl-Han qalasyndaǵy túrmege shabýyl jasady. Sonyń saldarynan júzdegen tutqyn qashyp ketken. Bul túrmedegi bes myń tutqynnyń ishinde ondaǵan tálipter men tyıym salynǵan radıkaldy toptardyń sodyrlary bar.

Amerıkanyń bir­qa­tar shtattarynda fas­t­fýd ındýs­trııasy qyz­metkerleriniń ereýili bo­lyp ótti. BurgerKing, McDonald’s jáne Wendy’s jedel tamaqtaný res­toran­darynyń narazy­lyq bil­dirgen qyzmetkerleri óz otbasylarymen birge kóshe­lerge shyǵyp, kompanııa basshylyǵynan jumys saǵatyna tólenetin aqyny 7,5-ten 15 dollarǵa deıin ósirýdi talap etti.

Shveısarııanyń Granj-pre-Marnan qalasy mańynda soqtyǵysqan poıyzdardyń biriniń mashınısi qıraǵan lokomotıvtiń ishinen óli kúıinde tabylǵan. Onyń qaza tapqany múrdeni ashý prosedýrasynan keıin resmı rastalmaq. Ekinshi mashınıst apattan jaraqat alǵanymen, tiri qalǵan kórinedi.

Iraktyń astanasy Baǵdad ­pen Basra qalasynda birneshe dúr­kin jarylystar oryn alǵan. Aldyn-ala ha­barlanǵan málimetter bo­­ıynsha, jarylys sal­da­ry­nan 48 adam qaza taýyp, 220 adamnyń túrli dene jaraqattaryn al­ǵa­ny bel­gili bolyp otyr. Tek Baǵ­dadtyń ózinde ǵana mına qo­ıylǵan 11 avtomobıl ja­ryl­ǵan, olardyń be­seýi musylman-shııtter turatyn aýdandarda oryn alǵan.

Týnıs úkimeti elde jal­ǵasyp jatqan saıası daǵ­da­rystyń odan beter shıelenise túsýine qaramastan otstavkaǵa ketýge nıetti emes. Oryn alǵan tártipsizdikterge baılanysty eldiń premer-mınıstri Alı Laraed ulttyq teledıdar arqyly sóz sóılep, biz bılikke jarmasyp otyrǵan joqpyz, biraq bizdiń aldymyzda mindetter tur, al, biz olardyń atqarylýy úshin jaýaptymyz, dep atap kórsetken.

Aldyn ala baǵalaýlar bo­ıyn­sha, Kann qalasynda­ǵy Carl­ton qonaq úıindegi kórmeden ur­lan­ǵan brıl­lıant­tardyń quny 103 mıl­lıon eýrony quraıdy. Bul tek osy óńir tarıhyndaǵy ǵana emes, sonymen birge bú­kil álem boıynsha kólemi jaǵy­nan eń úlken urlyq bo­lyp otyr. Kúzetshini ta­panshamen qor­qy­tqan to­naýshy asyl tastar tol­ǵan­ chemodanyn alyp, qonaq úı­­den jaıbaraqat shyǵyp ketken kórinedi.

Grýzııanyń mádenıet mınıs­tri Iosıf Stalınniń eskertkishin onyń týǵan qalasy Gorıge qaıtarý jó­ninde sheshim qabyldady. Vedomstvo osylaısha keńestik kósem eskertkishin qaıta qalpyna keltirý týraly qalalyq jınalystyń usynysyn qanaǵattandyrdy. Eskertkish Stalınniń týǵan kúnine oraı 21 jeltoqsanda qalpyna keltiriletin bolady.

Máskeý bazarlarynda dúı­­­sen­bi kúni bastalǵan po­lı­seı­lerdiń profı­lak­tıkalyq operasııasy ba­ry­synda qa­zir­diń ózinde 470-ten astam adam qamaýǵa alyn­ǵan.

Aqparat agenttikteri materıaldary negizinde ázirlendi.