Shyǵys Qazaqstan oblysynda aýdandardyń mádenı kúnderin ótkizý dástúrge aınalǵan. Zaısan aýdanynyń О́skemendegi mádenı kúnderi este qalarlyqtaı bolyp ótti. Oǵan osy óńirdiń talantty ul-qyzdary, bul kúnderi Almatyda turyp jatqan aqyn Ulyqbek Esdáýlet, kúmis kómeı ánshiler Dálel Ýásh, Qanat, Aıtkúl Qudaıbergenovter, tehnıka ǵylymdarynyń doktory, akademık Marat Bitimbaev, О́skemendegi zııaly azamattar, Zaısannyń ónerpazdary qatysty.
Almatydan kelgen ánshiler, Úrjar aýdanynyń talantty ónerpazy, dáýlesker kúıshi Seken Turysbek, zaısandyq ónerpazdar tórt saǵat boıy oblys ortalyǵy turǵyndaryn án men kúıge bóledi. Keshkilik qala turǵyndary gala konsertti tamashalady. Keshte sóz alǵan Zaısan aýdanynyń ákimi Almas Ońdaqanov óńir basshysy B.Saparbaevtyń bastamasymen qanat qaqqan «Týǵan jerge taǵzym!» aksııasynyń aýyldarda da jalǵasyp jatqanyn tilge tıek etti.
Osy senbide Aıagóz aýdanynyń О́skemendegi mádenı kúnderi ótpek. Tálim alarlyq mádenı shara jyl sońyna deıin jalǵasa beredi.
Ońdasyn ELÝBAI,
«Egemen Qazaqstan».
О́SKEMEN.