Bitimgerlik brıgadasynyń búgini

«Qazbrıg» bitimgerlik brıgadasynyń «Ile» polıgonynda áskerı qyzmetshilerdiń bitimgerlik operasııalardaǵy is-qımylyna jattyǵatyn oqý qalashyǵynyń qurylysy aıaqtaldy. Qalashyq qurylysy Qazaqstan men AQSh Qorǵanys mı­nıstrligi arasyndaǵy bes jyldyq yntymaqtastyq jospary sheńberindegi «Bitimgerlik operasııalary jónindegi ǵalamdyq bastama» baǵdarlamasy boıynsha júrgizildi.

«Qazbrıg» bitimgerlik brıgadasynyń «Ile» polıgonynda áskerı qyzmetshilerdiń bitimgerlik operasııalardaǵy is-qımylyna jattyǵatyn oqý qalashyǵynyń qurylysy aıaqtaldy. Qalashyq qurylysy Qazaqstan men AQSh Qorǵanys mı­nıstrligi arasyndaǵy bes jyldyq yntymaqtastyq jospary sheńberindegi «Bitimgerlik operasııalary jónindegi ǵalamdyq bastama» baǵdarlamasy boıynsha júrgizildi.

Jaqynda «Ile» polıgonynda oqý qalashyǵynyń resmı ashylýy bolyp ótti.

Oǵan Qazaqstan Qarýly Kúshteri Aeroutqyr áskerleri qolbasshysynyń birinshi orynbasary – shtab bastyǵy, polkovnık Talǵat Ismaılov pen AQSh-tyń Qazaqstan Respýblıkasyndaǵy elshisi Kennet Feırfaks qatysty.

Polıgonda boı kótergen oqý qa­la­shy­ǵy qalalyq kvartaldy ımıtasııalaý maqsatyndaǵy úılerden, kósheler men qıylystardan turady. Qalashyq qurylysyn AQSh Qarýly Kúshteriniń «See Bees» («Teńiz aralary») áskerı ınjenerlik bólimshesiniń komandasy júrgizdi. Oqý qalashyǵy qalalyq jerdegi áskerı operasııalar nysany bolyp tabylady jáne qalalyq jaǵdaıda urys júrgizý qımyldaryn pysyqtaýǵa arnalǵan. Qalashyq metaldy konteınerlerden turǵyzylǵan 17 ǵımarattan turady. Úılerdiń jattyǵý kezinde áskerı qyzmetshiler kirip-shyǵatyn esik-terezeleri jáne qalqalary bar. Qazaqstandyq bitimgerler bólimshesiniń oqý qalashyǵynda, sondaı-aq patrýldik jasaýǵa, ǵımaratty shabýyldaýǵa, kepilge alynǵandardy bosatýǵa jáne bitimgerlik operasııalary sheńberindegi basqa da is-qımyldardy júrgizýge múmkindigi bar.

Is-sharaǵa qatysýshylar aǵymdaǵy jylǵy 10 tamyzda «Ile» polıgonynda bastalatyn «Dala qyrany» halyqaralyq bitimgerlik oqý-jattyǵýlary qarsańynda oqý qalashyǵynyń paıdalanýǵa beri­lýin erekshe atap ótti. Al bıyl jat­ty­ǵýǵa Qazaqstan, Ulybrıtanııa, AQSh, Germanııa, Shveısarııa, Italııa, Tá­jik­stan, Qyrǵyzstan bastaǵan onnan astam memlekettiń áskerı bólim­sheleri qatysady. Bitimgerler úshin ja­ńa oqý qalashyǵynyń bazasynda is-qımyldy pysyqtaý qalalyq jaǵ­daıda tapsyrmalardy oryndaýda úlken keshendi tájirıbe bolary anyq.

Oqý qalashyǵyn tapsyrý saltanatynan soń «Qazbrıgtiń» bitimgerlik bólimshesi jergilikti jerdi tazartý, "shabýyldaý" elementterin qamtyǵan synaq sabaqtaryn ótkizdi. Áskerı qyzmetshilerdiń aıtýynsha, ımıtasııalanǵan ǵımarattarda daıyndalý qalalyq jaǵdaıda áskerı operasııalar júrgizýge shynaıy múmkindik beredi.

«Egemen-aqparat».