Qazaqstannyń Tuńǵysh Prezıdenti Oman Sultandyǵynyń bıleýshisi Sultan Qabýs ben Saıd Ál Saıdtyń dúnıeden ozǵany týraly sýyt habardy kúızelispen qabyldady, dep habarlaıdy Elbasynyń resmı saıty.
«Ol Qazaqstan men Oman arasyndaǵy qarym-qatynastyń nyǵaıýyna jáne elder arasynda senim men dostyqqa negizdelgen yntymaqtastyqtyń damýyna tikeleı septigin tıgizdi.
Sultan Qabýs halqyn, jerin, elin súıgen adal jáne parasatty bıleýshi retinde este saqtalady dep senemin.
Osynaý azaly sátte Oman halqynyń jáne marqumnyń otbasy men jaqyndarynyń aýyr qaıǵylaryna ortaqtasyp, kóńil aıtamyn», - delingen jedelhatta.