El turǵyndary aerotaksı qyzmetin kelesi jyldan bastap paıdalanýy múmkin. Bul týraly Premer-mınıstrdiń orynbasary Qanat Bozymbaev málimdedi, dep habarlaıdy Egemen.kz.
Alataý qalasynda áýe taksıiniń synaqtyq ushyrylymy ótti. Qanat Bozymbaevtyń aıtýynsha, jobany iske asyrý úshin Kólik mınıstrligi ýaqytsha erejeler ázirlegen.
«Bıyl biz adamdarsyz ushamyz, sebebi marshrýttar óte kóp. Olar erteń taý klasterimen, Almaty áýejaıy jáne vokzaldarymen, Qonaev qalasyndaǵy sý qoımasymen jáne basqa da nysandarmen baılanysty bolady. Munyń bárin synaqtan ótkizý qajet. Qandaı bıiktikte ushatynyn, klımattyq jaǵdaılardy, tórt mezgildi baqylaý kerek. Sebebi bul qaýipsizdik máselesi: aeromagnıttik órister, joǵary voltty jeliler bar. Sondyqtan bıyl jolaýshylar tasymaly bolmaıdy», dedi ol Úkimettegi brıfıng barysynda.
Sondaı-aq ol Qytaı men AQSh-ta aerotaksı júıesi qazirdiń ózinde jumys istep turǵanyn atap ótti. Osyǵan baılanysty Qazaqstan jobany júzege asyrý úshin halyqaralyq mamandardy tartyp jatyr.
Qanat Bozymbaevtyń aıtýynsha, alǵashqy reıster kelesi jyly bastalýy múmkin.
Aıta keteıik, Almaty oblysynda áýe taksıi alǵash ret synaqtan ótkizildi.