Amerıkanyń bir kezderi kólik jasaýdyń úlken ortalyǵy bolǵan Detroıt qalasynan jurttyń jappaı kete bastaýynan úıler qańyrap qalyp jatyr. Sonyń saldarynan olardyń satylý quny 1 dollarǵa deıin túsip ketken. Bul týraly Ytro.ru habarlady.
Bir qyzyǵy, baspasózde jazylyp jatqandaı, qazir bulardy osy shartty baǵaǵa da alýshylar tabylmaı jatqan kórinedi. Sondyqtan kóptegen qurylys nysandaryn bankter satylymǵa usynýda. Olar osy úılerdi bereshekteri úshin ıelerinen tartyp alǵan. Endi olardan qaıta qutyla almaı otyr. Sebebi, bul úıler úshin salyq tóleý kerek.
Bir aıta ketetini, Detroıt qalasynda jyljymaıtyn múlikke salynatyn salyq eldegi eń joǵarǵy salyq bolyp tabylady. AQSh-tyń avtokólikter astanasy 40 jyl buryn quldyraı bastady. Sol kezde amerıkalyq avtoónerkásiptiń jaǵdaıy nasharlaǵan edi. Detroıttyń bıýdjettik defısıti $380 mln. quraıdy, al jalpy bereshegi $17 - $20 mlrd. somasyna jetip otyr. Qala bıligi shilde aıynyń ortasynda sotqa Detroıt qalasyn bankrot dep tanysyn degen ótinish jasady.
Qaırat Qojanazar.