Bul týraly Memleket basshysynyń baspasóz hatshysy Berik Ýálı Facebook paraqshasynda jazdy.
Aqordada Memleket basshysy Qasym-Jomart Toqaev Prezıdenttiń kadr rezervine engen 300 jaspen kezdesý ótkizip jatyr.
Prezıdenttik jastar kadr rezervine tirkelý bıylǵy qyrkúıek aıynda bastalǵan edi. Jobanyń strategııalyq maqsaty – tıimdi menedjerlerdiń jańa tolqynyn qalyptastyrý jáne elimizdiń jańa býyny úshin pármendi áleýmettik lıftiler júıesin qurý. Irikteý nátıjeleri boıynsha pýlǵa jańa formasııanyń basqarýshylary bolýǵa qabiletti talantty jáne kreatıvti jas qazaqstandyqtar irikteldi.
Prezıdent bastamasyna alǵashynda 13 myńnan astam qazaqstandyq qatysýǵa nıet bildirgen. Qatysýshylarǵa otyz bes jastan aspaǵan, joǵary bilimi jəne bes jyldan kem emes eńbek ótili bar Qazaqstan azamaty bolýy tıis degen talaptar qoıyldy.
Jeńimpazdar arasynda jeke sektordyń – 106 ókili, kvazımemlekettik sektordyń – 98 qyzmetkeri jáne 96 memlekettik qyzmetker bar. Kandıdattardyń 58 paıyzy sheteldik oqý ordalarynda bilim alǵan. 42 paıyzy – qazaqstandyq JOO túlekteri. 6 adam – ǵylym doktory, 204 adam magıstr dárejesine ıe. Jeńimpazdardyń ortasha jasy 31-di quraǵan.
Prezıdenttik jastar kadr rezervine alynǵan kandıdattardyń tizimimen jobanyń resmı saıtynda tanysýǵa bolady.