Oral qalasyndaǵy «Arman» shaǵyn aýdanynda turatyn kóp balaly Saǵynovtar otbasy taıaý kúnderde kóshede qalýy múmkin. Bul týraly «Ýralskaıa nedelıa» jazyp otyr.
Buǵan sebep, bala-shaǵasymen bazar blyp otyrǵan shańyraq ózderi budan 5 jyl buryn salyp alǵan jer úıden aırylyp qalý qaýpinde tur. Buǵan deıin jańa úı salyp, ony Saǵynovtarǵa berýge ýáde etken «Injenerıng teplostroı» kompanııasynyń basshylyǵy qazir sol sózderinen taıyp, eki arada jasalǵan kelisimdi jalǵan dep otyr.
Al Saǵynovtar otbasysynda qazir jastary kámeletke tolmaǵan úsh bala ósip keledi.
-Meniń osy máseleni sheship berýdi ótinip, barmaǵan jerim joq. Ákimdikke de, qarjy polısııasyna da, «Nur Otanǵa» da baryp boldym. Barlyǵy da sharasyzdyqtan bastaryn shaıqaıdy, - deıdi otbasynyń ıesi Gúlzar Saǵynova. – Endi shamaly ýaqyttan keıin balalarym mektepke barýlary kerek. Al qurylysshylar áni-mine degenshe úıimizdi buzǵaly jatyr. Endi ne isteımiz?
«Injerenıg teplostroı» JShS dırektory Valerıı Mamaev bolsa, bul otbasymen eshqandaı kelisim-shart jasaspaǵanyn aıtady. Olardyń ózine jergilikti bılik qurylys júrgizý úshin 2006 jyly bergen ýchaskesinde bulardyń otyrǵanyn tek 2011 jyly ǵana bilgen.
Sultan Bozaıǵyr.