31 qańtar - 1 aqpan aralyǵynda Qazaqstan Úkimetiniń shaqyrýy boıynsha BUU Bas hatshysynyń orynbasary – BUU-nyń 75-jyldyq mereıtoıyn uıymdastyrý jónindegi Arnaıy keńesshisi Fabrısıo Hohshıldtiń sapary kútilýde. Bul týraly QazAqparat habarlady.
«Sapar barysynda 31 qańtarda Fabrısıo Hohshıldtiń «Digital Almaty» forýmyna qatysýy, Sıfrlyq damý, ınovasııalar jáne aeroǵarysh ónerkásibi mınıstri Asqar Jumaǵalıevpen kezdesýi, sondaı-aq Almaty qalasynda ornalasqan Halyqaralyq uıymdardyń ǵımaratyna barýy josparlanyp otyr» dedi elordada ótken baspasóz máslıhatynda QR SIM resmı ókili Aıbek Smadııarov.
Onyń aıtýynsha, 1 aqpanda BUU ókiliniń sapary Nur-Sultan qalasynda jalǵasyp, Syrtqy ister mınıstri Muhtar Tileýberdimen ekijaqty kezdesýi, ınnovasııalar jónindegi «Astana habyna» barýy jáne Qazaq memlekettik zań ýnıversıtetiniń stýdentterimen kezdesýi ótedi.