Nur-Sultan qalasynyń ákimi aýa raıynyń kúrt buzylýyna baılanysty barlyq qyzmetterdiń kúsheıtilgen rejımde jumys istep jatqanyn habarlady. Bul týraly ol Instagram paraqshasynda jazdy.
«Aýa raıynyń kúrt nasharlaýyna baılanysty shuǵyl shtab qurylyp, jedel telefon jelisi iske qosyldy. Jeldiń ekpini 23-28 m/s. Tótenshe jaǵdaılar, Polısııa departamentiniń qyzmetkerleri jáne Ulttyq gvardııa qarda qalǵan kólikterdi shyǵarýǵa kómektesip, azamattardy qaýipsiz aımaqqa kóshirýde. Tótenshe jaǵdaılar departamentinde shuǵyl shtab qurylyp, jedel telefon jelisi iske qosyldy. Nómirleri: 24-52-12, 24-51-71, 24-51-47» dep jazdy A.Kólginov.