«Qazaqstan» teleradıokorporasııasy uly Abaıdyń 175 jyldyǵyna oraı túsiretin telehıkaıa akterlerine baıqaý jarııalaıdy. Bul týraly korporasııanyń Baspasóz qyzmeti habarlady.
Kastıngke arnaıy akterlik bilimi bar, 17 men 40 jas aralyǵyndaǵy qolań shashty, qoıý qasty qyz-kelinshekter men 15 pen 50 jas aralyǵyndaǵy keskin-kelbeti kelisken, atqa otyra alatyn er-azamattar qatysa alady.
«Buǵan deıin telehıkaıanyń ssenarııine baıqaý jarııalanyp, otandyq tájirıbeli óndirýshilerden úsh aı boıy ótinim qabyldanǵan bolatyn. Búginnen bastap teleradıokorporasııanyń shyǵarmashylyq birlestigi men arnaıy qurylǵan Kórkemdik keńestiń qabyldaǵan nusqasy boıynsha túsirilim jumystaryna ázirlik bastaldy» delingen habarlamada.