Mınıstr «Qordaıdaǵy oqıǵa qoǵamdy ekige bólip jiberdi me?» degen saýalǵa jaýap berdi.
«Qoǵam ekige jarylyp ketti deý – artyqtaý. Iá, adamdar sóz talastyrady, sebebi árkimniń óz oıy bar. Bul – qalypty úrdis. Biraq qoǵamda ártúrli máselege qatysty pikirtalas júrip jatatynyn túsiný kerek. Biraq barlyq emosııa men kóńil tolqynysyn qoıa tursaq, Qazaqstan azamattarynyń kóbi mynadaı qaǵıdatty qoldaıtyn sııaqty: birinshi, kezekte bizdiń elde bári de beıbitshilik pen kelisimniń bolǵanyn qalaıdy. Ekinshiden, bolǵan oqıǵanyń shynaıy sebebin bilgisi ári ony rettegisi keledi. Úshinshiden, adamdar qaqtyǵysqa kinálilerdiń anyqtalǵanyn jón dep biledi. Tórtinshiden, adamdar mundaı oqıǵanyń endi qaıtalanǵanyn qalamaıdy. Bul – eń basty másele», - dedi Dáýren Abaev
Mınıstrdiń aıtýynsha, orynsyz aıtylǵan pikir jaǵdaıdy ýshyqtyryp jiberýi múmkin.
«Bálkim, buryn aıtqanymyzdaı bizde belgili bir dárejede ashyq pikir talastyrý da damymaı turǵan bolar. Adamdar emosııamen bir-birin jábirleýge deıin barady. Keı jaǵdaıda kez kelgen máselege baılanysty, kez kelgen salanyń mamany retinde pikir bildirip otyrǵan «sarapshylardyń» da otqa maı quıyp otyratyny bar. Árkim óz sózin aıtyp qalǵysy keledi. О́kinishke qaraı, keıbireý tipti ashyqtan-ashyq «haıp ustaǵysy» keledi. Buǵan qarsy shara qoldaný múmkin emes sekildi. Sóz erkindigi - osy bolar», - dedi Aqparat jáne qoǵamdyq damý mınıstri.