Túrkııanyń Antalııa qalasynda sporttyq júristen Túrkııa ashyq chempıonaty aıaqtaldy. Atalǵan jarysta otandastarymyz da baq synap, júldegerler qatarynan kórindi, dep habarlaıdy UOK baspasóz qyzmeti.
20 shaqyrymdyq básekege qazaqstandyq sportshy Aıman Ratova qatysyp, týrnırdiń qola júldegeri atandy. Bul qashyqtyqty ol 1:29:31 ýaqyt kórsetkishimen júrip ótip, 2020 jyly Japonııanyń bas shahary – Tokıoda jalaýy jelbireıtin jazǵy Olımpııa oıyndaryna joldama jeńip aldy.
Jarysta birinshi oryndy ýkraınalyq Olena Sobchýk, ekinshi oryndy jergilikti sportshy Merıem Bekmez ıelengen. Aıta ketelik, Ratovanyń joldamasyn qosa eseptegende, búginde Qazaqstan quramasynda Olımpıadaǵa sporttyń 14 túrinen 28 lısenzııa bar.