Fransııanyń Marsel qalasynda ótip jatqan halyqaralyq týrnırdi jeńispen bastaǵan qazaqstandyq tennısshi Aleksandr Býblık 1/8 fınalǵa joldama aldy.
Tusaýkeser kezdesýde jerlesimiz Marton Fýchovıchpen kezdesti. Bul kúnderi ATR reıtınginde 73 orynda turǵan Majarstannyń ókili 2018 jáne 2020 jyldary Aýstralııanyń ashyq birinshiliginiń tórtinshi kezeńine deıin jetti. «Úlken dýlyǵa» sanatyndaǵy týrnırdegi onyń eń úzdik nátıjesi osy. 1 saǵat 26 mınýtqa sozylǵan bul básekede Býblık 6:4, 7:5 esebimen jeńiske jetti.
Kelesi kezeńde otandasymyz Benýa Permen sheberlik baıqasady. Qazirgi kezde álemniń 20 raketkasy atanyp otyrǵan Fransııa tennısshisi Rolan Garros, Ýımbldon jáne AQSh-tyń ashyq birinshiliginde tórtinshi kezeńge deıin jetken.