Búgin Úndistannyń astanasy – Nıý-Delıde kúres túrlerinen ótip jatqan Azııa chempıonatynyń alǵashqy júldeleri sarapqa salyndy.
Qazaqstan quramasy bul jarysty jaqsy bastady. Ásirese, 77 kılo salmaqta kúsh synasqan Tamerlan Shadýkaevtyń ónerine aıryqsha rıza boldyq. Bastapqy básekelerdiń barlyǵynda kúmánsiz jeńiske jetken ol jartylaı fınalda ıordanııalyq Sultan Alı Mohd Damen Eıdtiń tas-talqanyn shyǵardy. Al fınaldyq saıysta Iran balýany Peımen Poshtamdy 10:1 esebimen utqan Temirlan Azııa chempıony atandy.
55 kılo salmaqta beldesken Qorlan Jaqansha sheshýshi tusta Taılandtyń ókilin aıqyn basymdyqpen útyp, qola medaldi ıelense, 63 kılo salmaqtaǵy Ernur Fıdahmetov úshinshi oryn úshin básekede Meısam Dalhanıden utylyp qaldy.