Qurylysty aıaqtaýǵa kepildik bar

«Ákimdikterdiń oblıgasııalaryn satyp alý tetigi arqyly kre­dıttik turǵyn úı salý baǵyty boıynsha 108,8 mlrd teńgege baǵaly qaǵazdar satyp alyndy. Osy qarajat esebinen ákimdikter Tur­ǵyn úı qurylys jınaq banki­niń (holdıngtiń enshiles uıy­my) salymshylaryna jáne «7-20-25» baǵdarlamasynyń qa­ty­­sý­shylaryna belgilengen baǵa­men 10,6 myń kredıttik páter­di tap­syrdy. Bıyl ákim­­dikterdi 101,2 mlrd teń­gege qarjylandyrý josparlan­ǵan, bul shamamen 10,4 myń páter. Turǵyn úı qurylys jınaq júıe­siniń baǵyty boıynsha 2019 jyly Turǵyn úı qurylys jınaq banki turǵyndarǵa 527 mlrd teńgege 50,3 myń jeńil­detilgen qaryz berdi, sonyń 67 mlrd teńgesine 8,6 myń qaryz «Nurly jer» mem­le­ket­tik baǵdarlamasy sheńberinde beril­di. Bul qaryzdar mem­le­ket­tik baǵ­darlamaǵa qatysýshylarǵa jyldyq 5%-ben, 20% bastapqy jarnamen berilgen. Búgingi tańda Turǵyn úı qurylys jınaq banki júıesinde 1,6 mln shart bar, jınaq somasy 806 mlrd teńgeni qurady. Bank teńgemen uzaq­merzimdi salymdar boıynsha birinshi orynda. Sonymen qatar, ótken jyldyń shildesinen bastap az qamtylǵan otbasylar úshin 20 jylǵa deıin jyldyq 2%-ben jeńildetilgen ıpotekalyq kredıt berý «Baqytty otbasy» baǵ­dar­lamasy arqyly júzege asyrylýda. Res­pýblıkalyq bıýdjetten 50 mlrd teńge bólindi. Turǵyn úı qu­rylys jınaq bankine 51,7 mlrd teńge jalpy somasyna 5,2 myń ótinim kelip tústi, sonyń 50 mlrd teńgesine 5 myń ótini­m maquldandy. Bıyldan bastap Memleket basshy­synyń tapsyrmasyna sáıkes jyl saıynǵy berý jospary 10 myń qaryzdy quraıdy. Turǵyn úı qury­lysyna kepildik berý qory (hol­dıngtiń enshiles uıymy) 71,4 mlrd teńgege josparlap, 88,8 mlrd teńge jalpy somasyna jobalardy maquldady. Bul kom­­­mersııalyq naryqta 6 myń pá­­ter satyp alý úshin halyq­tyń sa­­lymdaryn qorǵaýǵa múmkin­dik berdi. Bıyl 90 mlrd teńgeden astam somaǵa qu­ry­­­­lysty aıaqtaýǵa kepildik berý jos­­parlanýda», dedi Á.Omar­qo­jaev.

Sonymen qatar ol jeke qury­lys salýshylarǵa kredıtterdi sýbsıdııalaý baǵyty boıynsha «Damý» kásipkerlikti damytý qo­ry sýbsıdııalaý úshin jalpy somasy 49,6 mlrd teńge bolatyn 47 jobaǵa qol qoıǵanyn atap ótti.

«Qurylys kompanııalary úshin kommersııalyq kredıtter quny orta eseppen 50% arzandady. Sonymen birge salynǵan turǵyn úıdiń jartysy Turǵyn úı qurylys jınaq bankiniń sa­lym­shylaryna, «7-20-25» baǵ­dar­lamasyna qatysýshylarǵa jáne kommersııalyq bankterge belgilengen baǵamen satylady. Memleket basshysynyń tapsyrmasyna sáıkes jumys istep turǵan operatorlar sany ekige deıin azaıady – holdıngtiń tur­ǵyn úı blogy Turǵyn úı qury­lys jınaq bankinen alynǵan qa­ryz­dar arqyly jumys isteıtin aza­mattardyń suranysyn yntalandyrady jáne Biryńǵaı operator fýnksııalary arqyly turǵyn úı salý boıynsha usynysty qamtamasyz etedi», dedi ol.