Aǵymdaǵy jyldyń 24 aqpanynda Taraz qalasyndaǵy №43 orta mekteptiń muǵalimi Kúnsulý Bórimbekova áleýmettik jeli arqyly bilim oshaǵynyń basshysy tarapynan ádiletsizdik bolǵanyn, zańsyz jumystan shyǵarylǵanyn aıtyp, shaǵymdanǵan bolatyn.
Muǵalimniń ótinishine baılanysty Jambyl oblysynyń ákimi Berdibek Saparbaevtyń tapsyrmasymen jumys komıssııasy qurylǵan edi. Jarııalanǵan beınerolıkte aıtylǵan barlyq faktiler boıynsha qazir tekserý sharalary júrgizilýde. Onda keltirilgen faktiler rastalǵan jaǵdaıda, materıaldar quqyq qorǵaý organdaryna jiberiledi. Sondaı-aq, elimizdiń Bilim jáne ǵylym mınıstri Ashat Aımaǵambetov Tarazdaǵy №43 mekteptegi jaǵdaıǵa baılanysty Jambyl oblystyq bilim basqarmasy men Taraz qalalyq bilim bóliminiń basshylyǵyna aýyzsha eskertý berilgenin aıtyp, tekseris aıaqtalǵanǵa deıin dırektordy jumysynan shettetýdi tapsyrdy.
Taraz qalalyq bilim bóliminiń jeke eńbek daýlaryn sheshý jónindegi kelisý komıssııasynyń sheshimimen Kúnsulý Bórimbekova №43 orta mektebiniń qazaq tili pániniń muǵalimi qyzmetine qaıta qabyldandy. Al, atalǵan mekteptiń dırektory Elmıra О́mirbekova qyzmetinen ýaqytsha bosatyldy.
Búginde bul másele oblystyq bilim berý salasynda sapany qamtamasyz etý departamentiniń, oblystyq bilim basqarmasynyń, Taraz qalasy ákimdiginiń jáne «Nur Otan» partııasy ókilderiniń qatysýmen jan-jaqty zerdelenýde. Tekserý is-sharalary tolyq aıaqtalǵannan keıin qoldanystaǵy zańnama talaptaryna sáıkes naqty sheshim qabyldanatyn bolady. Qalalyq bilim bóliminiń málimetinshe, búgingi tańda mektep qalypty rejımde jumys istep tur, oqýshylar sabaqqa qatysýda. Barlyq sabaqtar kestege sáıkes ótýde.
Jambyl oblysy