Bıyl Shymkent qalasy TMD elderiniń mádenı astanasy atanýyna oraı sheteldik qonaqtarmen tikeleı jumys jasaıtyn eriktilerdiń kásibı daıarlyǵy erekshe mańyzǵa ıe. Osy maqsatta «Shymkent – TMD elderiniń mádenı astanasy» sharasyna volonterlardy daıarlaý maqsatynda «Qazaqstan volonterlar lıgasy» qoǵamdyq qory men Shymkent qalalyq «Jastar resýrstyq ortalyǵy» KMM arasynda yntymaqtastyq memorandýmy túzildi.
Volonterlarmen júrgiziletin jumystyń negizgi maqsaty qaladaǵy joǵary jáne orta arnaýly oqý oryndaryndaǵy volonterlardy anyqtaý, olardy volonterlyqtyń «Bilim», «Qamqor», «Úmit», «Sabaqtastyq», «Taza Álem» jáne «Saulyq» 7 salalyq baǵyttary boıynsha jáne Shymkent qalasy TMD elderi mádenı astanasynyń saltanatty ashylýynda volonterlardyń qyzmetine baılanysty jumys júrgizý bolyp tabylady.
Jalpy arnaıy oqytýdan ótetin volonterlar sany 300-ge jýyq dep josparlanyp otyr. Olar qalamyzǵa keletin qonaqtardy kútý jáne baǵyttaýshy retinde qyzmet kórsetpek. Aıta keteıik, eriktilerge arnaıy úlgidegi kıimder taratylyp olardyń jol júrý aqysy men tamaqtanýy qarastyrylatyn bolady.
Shymkent