Semeıde jumyrtqa 120 teńgeden satylymǵa shyqty. Jaqynda ǵana iske qosylǵan «Aqtóbe-Ertis» fabrıkasy turaqtandyrý qorymen birlese jumys istemek. Qala turǵyndary buǵan deıin shetten ákelingen ónimdermen qamtylyp kelgen bolatyn. Ázirshe qalanyń 8 saýda núktesinde ǵana on jumyrtqa danasy 120 teńgeden satylyp jatyr. Bul ıgi bastama aldaǵy ýaqytta qalanyń qalǵan aýmaqtaryn da qamtıtyn bolady.
Semeıde jumyrtqa 120 teńgeden satylymǵa shyqty. Jaqynda ǵana iske qosylǵan «Aqtóbe-Ertis» fabrıkasy turaqtandyrý qorymen birlese jumys istemek. Qala turǵyndary buǵan deıin shetten ákelingen ónimdermen qamtylyp kelgen bolatyn. Ázirshe qalanyń 8 saýda núktesinde ǵana on jumyrtqa danasy 120 teńgeden satylyp jatyr. Bul ıgi bastama aldaǵy ýaqytta qalanyń qalǵan aýmaqtaryn da qamtıtyn bolady. Qazaqstannyń ózge qalalarynda jumyrtqa baǵasy sharyqtap tur. Al semeılik kásipkerler óz bastamalaryn jaqsy jolǵa qoıa alsa, eń tıimdi ónim retinde ózge óńirlermen de baılanys jasaý nyǵaıa túspek. Máselen, buryndary Semeıge jumyrtqa Reseıden tasymaldanatyn. Ásirese, mereke-meıram kúnderi jumyrtqa baǵasy sharyqtap shyǵa keletindigi ras. Bul ónimniń baǵasyn turaqtandyrý úshin qalalyq ákimdik te birshama sharýalar atqardy. 2011 jyldyń ortasyna deıin Semeıde jumyrtqamen qamtýdan problema bolǵan joq. О́nimdi jergilikti iri qus fabrıkasy shyǵaratyn. Bir jarym jyl buryn «Semeı qus» JShS jumyrtqa óndirýden bas tartyp, tikeleı qus etin shyǵarýǵa kóshti. Sóıtip, Semeıde jumyrtqa azaıyp ketip, esesine qus eti molynan óndirildi. Al Reseıden keletin jumyrtqalardyń baǵalary kólikpen jetkizý esebinen qymbat bolyp, tutynýshylar 20 kún ótip ketken jumyrtqalardy alýǵa májbúr boldy. Tártibi boıynsha jumyrtqa kem degende on kún ǵana saqtalýy kerek. Qalalyq ákimdikke jumyrtqa óndirisin jolǵa qoısam dep «Aqtóbe-Ertis» JShS-nyń dırektory Qaırat Ýálıev usynyspen shyqqanda sheshim tabylǵandaı boldy. Sóıtip onyń jobasy maquldanyp, «Ertis» ÁKK kómekke keletin boldy. Júzege asyrý úshin 147 mln. teńge bólindi. Al 201 mln. teńgeni «QazAgroQarjy» AQ bóldi. Kásiporynnyń bóletin óz qarajaty 153 mln. teńge bolyp, jalpy joba quny 501 mln. teńgege baǵalanǵan.
– Biz kúnine 25 myń jumyrtqa óndiremiz, – deıdi «Aqtóbe-Ertis» JShS-nyń bas tehnology Amangeldi Qabykenov, – sol kúni-aq ótip ketedi. Jergilikti ónimdi tek 2-3 kún ǵana saqtaýǵa bolady.
Sapaly ónimdi halyq qana emes, búginderi jergilikti kásipkerler de satyp ala bastady. Olar Semeıdiń mańyndaǵy aýyldar men aýdandarǵa tasyp jetkizýde. Sóıtip, Semeıdegi jumyrtqa fabrıkasy iske qosylǵan kúnnen bastap qyzý saýdaǵa endi.
– Búginge deıin qala dúkenderinde jumyrtqanyń baǵasy 200 teńgege deıin jetken edi, – deıdi aýylsharýashylyq bóliminiń bas mamany Aýdanbek Qarataev. – Negizinen kórshi elderden keletin. Endi myna fabrıka jylyna 24 mln. jumyrtqa óndiremiz dep otyr. Osynyń arqasynda qala halqyn tolyqtaı qamtıtyn bolmaqpyz.
«Semeı» sýpermarketi, «Nıva», «Tıtov, 146», «Kvartal», «Kolos», «Maıak» jáne Dalnııdaǵy «Aınur» dúkeninde turaqtandyrý qorynyń ónimderi arqyly 120 teńgeniń jumyrtqalary satylýda.
– Biz «Ertis» ÁKK-niń enshiles kásiporny «Aqtóbe-Ertis» fabrıkasymen kelisimshartqa otyrý arqyly, turǵyndardy sapaly ónimmen qamtýdy qolǵa alyp jatyrmyz, – deıdi «Shyǵys-Samǵaý» JShS dırektorynyń orynbasary Talǵat Muratov, – jumyrtqa iriktelgen, birinshi, ekinshi sortty bolyp shyǵarylmaq. Birinshi kúnnen baıqaǵanymyz, tutynýshylardyń suranysy erekshe boldy.
Qalalyq ákimdik jańa óndiris orny «Aqtóbe-Ertiske» «Bıznestiń jol kartasy-2020» baǵdarlamasynyń múmkindigin paıdalanýdy usynyp otyr. Sebebi, jumyrtqa óndirýshilerge elektr energııasy úzdiksiz bolýy qajet eken. Al baǵdarlama aıasynda memleket óndiris ornyn qajetti ınfraqurylymmen, sý, elektr energııasynyń durys jetkizilýi úshin sapaly tehnologııalarmen qamtylýyna múmkindik týǵyzbaq.
Raýshan NUǴMANBEKOVA.
SEMEI.