Aqparattar aǵyny

Jyldyń alǵashqy 6 aı­ynda elimizde 306 mlrd. teń­gege turǵyn úıge jat­paı­tyn nysandar salyndy. Osy ýaqytta Aqtóbe oblysynda mundaı nysandardyń qury­lysy 36 mlrd. teńgeni, Mań­ǵys­taý ob­lysynda 27 mlrd. teńgeni qurady.

Jyldyń alǵashqy 6 aı­ynda elimizde 306 mlrd. teń­gege turǵyn úıge jat­paı­tyn nysandar salyndy. Osy ýaqytta Aqtóbe oblysynda mundaı nysandardyń qury­lysy 36 mlrd. teńgeni, Mań­ǵys­taý ob­lysynda 27 mlrd. teńgeni qurady.

Bıylǵy jyldyń shil­desinde Almatyda bos jumys oryndar sany 4,5 myń adamǵa jetti. Sonymen birge, ońtústik megapolıstiń kásiporyndary men uıymdaryna 15,6 myń adam jumysqa ornalasty.

Jyl basynan beri Aqmo­la ob­lysy Esil aýdanynyń sha­rýa­shylyqtaryna 350­ asyl tuqymdy mal áke­lin­di. Búgingi tańda aýdanda 7 ónerkásip kásiporny, 4 dıirmen, 2 et jáne sút óńdeıtin seh, temirbeton buıymdaryn jasaıtyn seh jumys isteıdi.

Tamyzda «Astana-Aty­raý» baǵytyna júrdek poıyzy qatynaıtyn bola­dy. Aldaǵy 22 tamyz kúni jolǵa shyǵatyn poıyz «Tulpar-Talgo» vagondarynan qural­ǵan. Jańa poıyz tórt kúnde bir qatynaıdy.

Shyǵys Qazaqstan ob­lysynyń Glýbokoe aýdanynda medısınalyq-áleýmettik ortalyq jańardy. Keshe aýdan ortalyǵy – Zımove selosynda jumys saparymen bolǵan oblys ákimi Berdibek Saparbaev mıllıard teńgege jýyq qarjyǵa jańarǵan 150 tósektik emdeý ornynyń jumysyna joǵary baǵa berdi.

Shymkentte Shámshi Qal­daıaqov ánderine arnalǵan «Arys jaǵasynda» tórtinshi retrofestıvali aıaqtaldy. Eki kúndik shara sheńberinde oblys ánshileriniń «Meniń Qazaqstanym» atty konkýrsy da ótkizildi. Keshe keshke qanat jaıǵan gala-konsertte osy baıqaýlardyń júldegerleri óner kórsetti.

Mańǵystaý oblysynyń Beıneý aýdanyna «Sala­mat­ty Qazaqstan-2030» den­saýlyq poıyzy sapar shekti. Quramyn­da alýan túrli dárigerler men jabdyqtary bar brıgada birneshe kún boıy skrınıngilik tekserýler júrgizedi.

Jambyl oblysynyń bıýdjettik mekemeleri qysqy maýsymǵa 74,8 paıyzǵa daıyn. Bul týraly daıyndyq shtabynyń kezekti otyrysynda oblystyń bas energetıgi Jeńis Tuıaqov málimdedi. «Aldaǵy eki aıda qalǵan jumystardy tolyq sapaly aıaqtap shyǵýǵa múmkindik bar», dedi ol.

«QazAqparat», «Qazaqstan jańalyqtary», Bnews.kz, TengriNews, EgemenNews habarlary boıynsha daıyndaldy.